Kenna Dönum um klúðrið
Umhverfisráðherra Suður-Afríku, Buyelwa Sonjica, kennir dönsku gestgjöfunum á COP15 um að ekkert bitastætt kom út úr ráðstefnunni sem lauk um helgina. Óásættanlegt sé að ekki hafi verið hægt að komast að niðurstöðu.
Sonjica og tveir aðrir úr sendinefnd Suður-Afríku segja andrúmsloftið hafa verið fullt af vantrausti og grunsemdum eftir að drög komust í umferð sem sýndu fram á að Danirnir ætluðu að freista þess að fá samning undirritaðan sem var þróunarlöndum í óhag. Þetta hafi verið stór ástæða þeirrar óeiningar sem ríkti á COP15.
Skrifa athugasemd