Hagsmunasamtök heimilanna skora á launþega landsins að rísa upp 1.maí og krefja forystu sína um

afdráttarlausa hagsmunagæslu með að taka stöðu með launþegum og heimilunum í landinu gegn

óviðunandi aðgerðum stjórnvalda og taumlausri óbilgirni fjármálafyrirtækja. Krafist er þess að lán verði leiðrétt tafarlaust.

Fólk sem varð vitni að handtöku tveggja mótmælenda í Héraðsdómi fylkti liði á Lögreglustöðina við Hverfisgötuna til að mótmæla. Frávísunartillögu Ragnars Aðalsteinsonar í máli níumenninganna sem hafa verið ákærðir fyrir þátt sinn í Búsáhaldabyltingunni var vísað frá dómi. Stefán Eiríksson lögreglustjóri hitti fólkið að máli á Lögreglustöðinni.

Tveir voru handteknir og fluttir burt í Héraðsdómi fyrir stundu þegar verið var að taka fyrir frávísunartillögu Ragnars Aðalsteinssonar lögmanns í máli níumenninganna sem hafa verið ákærðir fyrir þátt sinn í Búsáhaldabyltingunni. Frávísunarkröfunni var vísað frá dómi en málflutningur hefst 12.maí.  Einungis 25 máttu vera í dómsal en fleiri vildu inn og vísuðu til þess að hafa fengið að standa síðast þegar málið var tekið fyrir. Fimmtán lögreglumenn eru í héraðsdómi.

Formaður bændasamtakanna segir ekkert upp á bankana að klaga. Lilja Mósesdóttir er harðorð og spyr hvort leyfa eigi hrægömmum að hirða upp sveitabýli landsins.

Umfjöllun Morgunblaðsins um efnahagshrunið og sannleiksskýrsluna, er samkvæmt heimildum Smugunnar,  ástæðan fyrir því að enn hefur bæst í uppsagnir á Mogga.   Gunnhildur Arna Gunnarsdóttir, fyrrverandi ritstjóri 24 stunda og einn af fréttastjórnendum Morgunblaðsins, hefur nú sagt upp störfum. 

Blásið verður til kvennafrídags á ný 25. október næstkomandi, en þá verða 35 ár (og einn dagur) frá hinum upprunalega kvennafrídegi. Konur um allt land leggja þá niður störf og halda baráttufundi. Sérstök áhersla verður á baráttu gegn ofbeldi gegn konum.

Búist er við að ferðamönnum geti fækkað um eitthundrað þúsund vegna áhrifa frá eldgosinu í Eykjafjallajökli. Með þeim myndu tapast tekjur sem nema 25 til 30 milljörðum króna. Gert er ráð fyrir því að 700 milljónum króna verði varið í sérstakt markaðasátak til að kynna landið og vega upp á móti neikvæðum áhrifum.

Fyrirtæki eru gjörn á að styrkja góð málefni á einum stað á meðan þau menga og fremja mannréttindabrot annars staðar. Þá virtist á köflum sem ekkert mætti gera á Íslandi árin fyrir hrun án þess að það væri styrkt af einhverjum banka. Jóhanna K. Eyjólfsdóttir ræddi ítarlega við Smuguna um samfélagslega ábyrgð fyrirtækja – og skort þar á.

Jóhanna Sigurðardóttir forsætisráðherra telur að taka eigi af forseta málskotsréttinn, og víkka þess í stað mjög reglur um þjóðaratkvæðagreiðslur og möguleika þjóðarinnar til að skjóta málum í þjóðaratkvæði. Unnið er að því að setja forsetanum siðareglur.

Kristinn H. Gunnarsson fyrrverandi þingmaður segir stjórnmálaflokkana hafa komið sér saman um að seinka því vísvitandi að setja reglur um fjármál stjórnmálaflokkanna og frambjóðendur. Lögin hafi ekki verið sett fyrr en í desember 2006, þegar öll stóru prófkjörin voru afstaðin. Sá þingmaður sem mest fékk hafi átt sæti í nefndinni sem samdi reglurnar.

,,Við erum hópur fólks sem að finnst skelfilegt upp á að horfa að einu lausnirnar sem að eigi að bjóða okkur fjölskyldufólki í Reykjavík upp á á komandi kjörtímabili, séu skattahækkanir og mikil skerðing á þjónustu,“ segir Baldvin Jónsson einn aðstandenda Reykjavíkurframboðsins sem ætlar að bjóða fram við borgarstjórnarkosningarnar í Reykjavík en frambjóðendur munu kynna sig og málefni sín í Iðnó klukkan átta í kvöld. Baldvin var einn stofnenda Borgarahreyfingarinnar í sínum tíma.

Nefnd Sameinuðu þjóðanna lýsir áhyggjum af stöðu innflytjendamála á Íslandi. Hlutfallslega eru mun fleiri útlendingar á atvinnuleysisskrá en Íslendingar og það kann að auka á andúð gegn innflytjendum, að mati nefndarinnar. Þá er bent á að erfitt sé að fá íslenskan ríkisborgararétt nema standast próf í íslensku og óljósar reglur séu um réttindi hælisleitenda.

Reynir Ragnarsson fyrrverandi lögreglumaður í Vík segir fólk þar um slóðir hafa lært að eiga eldfjallið Kötlu  yfir höfði sér. Fólk reyni að búa sig undir það versta eins og hægt er en því fari fjarri að það sé hrætt. Hann segist ekki dæma forseta Íslands fyrir að segja sannleikann. ,,Það er í lagi að segja frá hlutunum eins og þeir eru þótt menn eigi ekki að segja meira en það. Auðvitað snúa einhverjir ferðamenn við eða hætta við að koma hingað til lands,” segir Reynir. ,,Það verður bara að hafa það. Það koma aðrir í staðinn."

Moody‘s breytti nýlega horfum Íslands úr neikvæðum í stöðugar. Steingrímur J. Sigfússon fjármálaráðherra gleðst yfir fréttunum og segir þetta eðlilegt framhald af því að hafa náð endurskoðuðum samningum við Alþjóðagjaldeyrissjóðinn.

Um 1200 ný sumarstörf verða til í sumar við umhverfismál, ferðaþjónustu og fleira á vegum ríkisins. Því til viðbótar verður ráðist í viðhalds- og endurbótaverkefni sem líklegt er að skapi um 200 ný ársverk, sem að stórum hluta falla yfir á sumartímann.

Eyjafjallajökull er talinn senda 15000 tonn af koltvísýringi út í andrúmsloftið á sólarhring. Flugumferð yfir Evrópu sendir hins vegar 344.109 tonn á sólarhring út í andrúmsloftið við eðlilegar aðstæður. Miðað við 60% samdrátt hefur Eyjafjallajökull þannig sparað andrúmsloftinu 206.465 tonn á sólarhring undanfarna daga.

Iðnaðarnefnd Alþingis frestaði því að fjalla um fjárfestingasamning vegna gagnavers Verne - Holding á Keflavíkurflugvelli þar til nefndarmenn hefðu kynnt sér rannsóknarskýrslu Alþingis og hlut Björgólfs Thors Björgólfssonar í bankahruninu. Formaður nefndarinnar segir að það hafi verið talið rétt að skoða það enda væri þau viðhorf rík í samfélaginu að óeðlilegt væri að stjórnvöld stæðu að fyrirgreiðslu til manna sem hefðu leikið stórt hlutverk í bankahruninu.

Danir brjóta  norræna samstarfssaminga með því að vísa norrænum ríkisborgurum út landi, þurfi þeir á félagsaðstoð að halda. Þetta hafa dönsk stjórnvöld stundað síðustu misserin, því þau telja sig ekki hafa framfærsluskyldu nema gagnvart Dönum. Í fyrra vísuðu Danir tíu manns úr landi. Í þeim hópi var ófrísk norsk kona, í sambúð með dönskum manni.

Borgarstjórn samþykkti í dag að atvinnnulausir og þeir sem þiggja fjárhagsaðstoð hjá borginni mættu það sem af er ári nýta sér sundstaði og bókasöfn borgarinnar án endurgjalds. Borgarfulltrúar VG áréttuðu að borgarstjórn hlyti að setja það í forgang að allir íbúar borgarinnar hefðu nægilegar tekjur til að framfleyta sér og sínum. Samfélag sem sætti sig við fátækt íbúa sinna, væri ekki gott samfélag.

,,Það er með öllu óþarft og mjög óheppilegt að skapaður sé viðbótar órói og hræðsla með til dæmis vangaveltum um mögulegt Kötlugos,"  sagði Steingrímur J. Sigfússon í upphafi þingfundar þar sem hann gerði grein fyrir yfirlýsingu ríkisstjórnarinnar um viðbúnað vegna eldgossins.  Ferðaþjónustan hefur brugðist harkalega við ummælum forsetans í viðtali við breska fjölmiðla um að þetta gos væri einungis æfing fyrir það sem myndi gerast þegar Katla gysi.

Tjón bænda undir Eyjafjöllum veltur á mörg hundruðum milljóna og margir þeirra munu neyðast til að bregða búi ef svo fer fram sem horfir. Ríkisstjórnin samþykkti í morgun að efla Bjargráðasjóð til að koma til móts við bændur undir Eyjafjöllum sem hafi orðið fyrir búsifjum vegna eldgossins. Jón Bjarnason landbúnaðarráðherra segir ástandið grafalvarlegt og öskufallið hafi valdið miklu tjóni.

Ársþing LSS, Landssamband slökkviliðs- og sjúkraflutningamanna, styður það að kjararáð félagsins afli sér verkfallsheimildar. Samningar við félagsmenn runnu út þann 31. ágúst í fyrra og lítill áhugi virðist vera að semja við félagið á ný.

Friðrik Pálsson hótelhaldari á Hótel Rangá telur að gosið í Eyjafjallajökli hafi komið Íslandi á landakortið meira en nokkur annar atburður í sögu landsins. Fullt er út úr dyrum á hótelinu en þar er boðið upp á þyrluflug á gosstöðvarnar fyrir fimmtíu þúsund krónur. ,,Þó nokkrir ferðamenn frá Evrópu sem voru strandaglópar í Bandaríkjunum breyttu miðum sínum til að fara til Íslands og berja sökudólginn augum,” segir Friðrik.

Nokkuð er um að venjulegt ferðafólk reyni að komast inn á hættusvæði undir Eyjafjöllum og hefur lögregla þurft að stöðva ferðalanga í ævintýraleit í dag og í kvöld. Adolf Árnason varðstjóri í lögreglunni á Hvolsvelli segir enn talsvert öskufall og slíkt sé ákaflega misráðið og geti verið hættulegt.

Hverfandi líkur eru á öskufalli á höfuðborgarsvæðinu að mati Veðurstofu Íslands. Reykjavíkurborg og almannavarnir hafa engu að síður virkjað viðbragðsáætlanir sínar. Ingólfur Júlíusson ljósmyndari Smugunnar og Reuters flaug yfir gosstöðvarnar í dag ásamt Ómari Ragnarssyni.

Rúmur helmingur Íslendinga er fylgjandi lögum um bann við nektardansi, eða fimmtíu og fjögur prósent. Mikill munur er á afstöðu kynjanna en sjötíu og sex prósent kvenna eru hlynntar því að banna nektardans en einungis þrjátíu og þrjú prósent karla. Karlar undir þrítugu skera sig einnig úr. Sjötíu prósent þeirra eru andvígir nýju lögunum. Þetta kemur fram í nýrri könnun MMR. Áttahundruð sextíu fimm voru spurðir á aldrinum átján til sextíu og sjö ára.

Hrafn Gunnlaugsson kvikmyndaleikstjóri fékk frest til klukkan níu á föstudag til að taka til í kringum lóð sína í Lauganestanga. Fyrirhugað var að framkvæmdir hæfust í dag en því hefur Hrafn mótmælt harðlega. Áralangt stríð hefur staðið um framkvæmdir Hrafns á Lauganestanga en borgaryfirvöld hafa verið gagnrýnd fyrir linkind í málinu.

Opinn fundur um Háskólaborgina Reykjavík var haldin í Háskóla Íslands í hádeginu með þátttöku Kristínar Ingólfsdóttur háskólarektors. Fyrir utan rektor og einn nemanda voru allir sem tóku til máls á fundinum meðlimir í borgarstjórnarflokki Sjálfstæðisflokksins. Hvergi er þó getið um tengsl flokksins við málþingið í auglýsingum á vef Háskólans. „Ekkert óvenjulegt,“ að sögn rektors.

Kópavogsbær greiðir að minnsta kosti 350 milljónir á ári í vexti og verðbætur næstu 25 árin vegna íþróttahallar sem bærinn réðist í að láta reisa með mörgum frægustu knattspyrnumönnum landsins. Þetta er nær tvöföld sú upphæð sem bærinn ver til fjárhagsaðstoðar á ári. Knattspyrnumennirnir hurfu frá verkinu og skildu bæinn eftir með hálfklárað mannvirki og allar skuldirnar.

Jón Guðmundsson ferðabóndi í  Drangshlíð segist hafa heyrt að margir hafi afbókað ferðir til Íslands í vor. ,,Það sagði mér framkvæmdastjóri ferðaþjónustu í Reykjavík að hann væri allan daginn að róa fólk sem ætti pantaðar ferðir til landsins. Hann sagðist hafa miklar áhyggjur ef þetta drægist á langinn."

Hann segir að margir heimamenn hafi fengið áfall þegar þeir voru fluttir burt frá heimilum sínum í brynvörðum trukk.

Jón Múli Árnason var meðal þeirra sem mótmæltu inngöngu Íslands í NATO á Austurvelli árið 1949. Tæpum sextíu árum síðar var Sólveig Jónsdóttir, dóttir hans og Ragnheiðar Ástu Pétursdóttur, í hópi þeirra sem mótmæltu í Búsáhaldabyltingunni á þessum sama Austurvelli og seinna inni í Alþingi sjálfu. Bæði voru þau ákærð fyrir mótmæli sín, Jón Múli fékk dóm en Sólveig er enn að bíða niðurstöðu.

Þórarinn Ólafsson íbúi í Drangshlíð 2, vestan við Skóga segist ekki hafa fundið til hræðslu vegna hamfaranna í Eyjafjallajökli enda hafi hann reynt að dreifa huganum í stað þess að sitja og glápa út um gluggann og mikla þetta fyrir sér. Hópur kvenna og barna úr sveitinni fór til Reykjavíkur í dag til að flýja öskufallið en þessi litli hvolpur varð eftir, Ekki fylgir sögunni hvort hann heitir Gosi.

Jóhanna Sigurðardóttir segir ekki nóg að dæma þá sem hefðu getað dregið úr skaða ef þeir sem hefðu getað bjargað fjármálakerfinu slyppu. Hún spurði í ræðu sinni á flokksstjórnarfundi Samfylkingarinnar í dag hvað yrði með þá sem  skýrslan segði að hefðu látið pólitík ráða í einkavæðingu bankanna. Þá sagði hún: ,,Samfylkingin var hluti af því samfélagi sem lét það líðast að viðskiptablokkir tefldu þjóðarhag í stórkostlega hættu og töpuðu taflinu með hrikalegum afleiðingum fyrir landsmenn alla.” 

,,Margir segjast í dag hafa séð á undan öllum öðrum hvernig í pottinn var búið varðandi Baugsmálið. Ég ætla ekki í þær stellingar,“  sagði Haraldur Jóhannessen ríkislögreglustjóri um niðurstöður rannsóknarskýrslu Alþingis um Jón Ásgeir Jóhannesson og fyrirtæki tengd honum. Því væri þó ekki að neita að ýmsar vísbendingar í Baugsmálinu hefðu bent til þess sem núna sé komið á daginn.

Þorgerður Katrín Gunnarsdóttir ætlar að segja af sér varaformennsku í Sjálfstæðisflokksins.Hún tekur sér einnig leyfi frá þingstörfum meðan þingmannanefndin undir forystu Atla Gíslasonar fjallar um rannsóknarskýrsluna með tilliti til ábyrgðar stjórnmálamanna. Þorgerður Katrín er þriðji þingmaðurinn sem fer í leyfi vegna rannsóknarskýrslunnar.

,,Fólk er rólegt og ber sig almennt vel,” sagði Ingólfur Júlíusson ljósmyndari Smugunnar og Reuters en hann er staddur á Vík í Mýrdal. ,,Það er allt grátt af ösku en snarpar vindhviður sjá til þess að hún fýkur jafnhraðan aftur eins og skafrenningur.

,,Nálægðin við höfuðpaura hrunsins hefur verið yfirþyrmandi hjá Reykjavíkurborg á þessu kjörtímabili,“ segir Þorleifur Gunnlaugsson sem vill að þáttur sveitarstjórnarfólks  verði tekinn sérstaklega út í kjölfar bankaskýrslunnar. ,,Ákvarðanir í skipulagsmálum, úthutun lóða, sala almannaeigna, styrkir og boðsferðir til borgarfulltrúa,“ kalla á sérstaka rannsókn að mati Þorleifs.

Öskufall frá Íslandi hefur lamað allt flug í norðanverðri Evrópu og víðar í hartnær tvo sólarhringa og tjónið hleypur á mörg hundruð milljónum evra.  Ímynd Ísland í kjölfar bankahrunsins var ekki góð meðal granna okkar í Evrópu og enn veldur Ísland vandræðum. Alþýðuskýringar hafa verið margar en Smugan rak augun í eina á Facebook sem snýr beint að öskufallinu. ,,Íslenska bankakerfið dó, líkið var brennt og eigendur bankanna kröfðust þess að öskunni yrði dreift um alla Evrópu.“

Krafa fólks sem er að missa heimil sín er að þau verði friðhelg, að ekki sé hægt að ganga að þeim. Þetta er krafa um mannréttindi. Og það eru mannréttindin sem eiga alltaf að verða okkur efst í huga. Líka mannréttindi þeirra sem verða nú fyrir gagnrýni í þjóðfélaginu vegna tengsla við orsakir hrunsins, beinna eða óbeinna. Þetta segir Ögmundur Jónasson þingmaður VG á heimasíðu sinni.

Allar líkur eru á að áætlun Alþjóðagjaldeyrissjóðsins verði samþykkt seinna í dag. Alþjóðagjaldeyrissjóðurinn féllst á að engar sérstakar kvaðir yrðu í samningunum um lok Icesave í viljayfirlýsingu ríkisstjórnarinnar.

Illugi Gunnarsson hefur ákveðið að taka sér leyfi frá þingstörfum en Rannsóknarnefnd Alþingis vísaði málefnum peningamarkaðssjóða til athugunar hjá sérstökum saksóknara. Illugi segir að sérfræðingar telji ekki að það séu dæmi um brot á ábyrgð stjórnarinnar í skýrslunni, en ýmislegt hefði betur mátt fara. Sigurður Kári Kristjánsson tekur sæti hans á meðan.

Áframhaldandi hætta er á skyndihlaupum í ám og öskufalli sem geta haft umtalsverð áhrif á landbúnað og mannvirki. Haraldur Johannessen ríkislögreglustjóri og Víðir Reynisson deildarstjóri almannavarna funduðu í morgun. Verið er að undirbúa ráðstafanir vegna mögulegs öskufalls í Reykjavík og nágrenni.

Tyrkjaránið á margt sameiginlegt með bankahruninu, til að mynda meðvirkni Bessastaðavaldsins með ræningjunum og það að Íslendingar voru ekki tilbúnir að greiða lausnargjaldið fyrir fangana. Þá má segja að Alsír sé afland frá Tyrklandi. Stefán Pálsson bendir á að Einar Már Guðmundsson sé Hallgrímur Pétursson okkar tíma.

Hófí, Reagan og Gorbatsjoff, álfar, draugar og íslensk þjóðremba. Allt þetta kemur við sögu í fyrirlestri Heiðu Jóhannsdóttur nú í hádeginu, „Sjálfsmynd í kastjósi fjölmiðla: Sviðsetning þjóðar í tengslum við leiðtogafundinn 1986.“

Hugmyndir um sameiginlega norræna sjónvarpsstöð hafa verið endurvaktar í norrænu samstarfi. Mennta og menningarmálanefnd Norðurlandaráðs ræddi þær á fundi í Ósló í vikunni. Fyrirmyndin nú er frönsk-þýsk menningarsjónvarpsstöð sem notið hefur vinsælda síðustu tvo áratugi.

Stórt vatnsflóð er að koma niður Gígjökul og verið er að rýma áhrifasvæði Eyjafjallajökuls. Vatnið hefur þegar rofið varnargarða við Þórólfsfell. Íbúar eru farnir að flýja upp í hlíðarnar. Fréttir herma að risastórir jakar berist með fljótinu.

Eldgosið, rannsóknarskýrslan og Icesave eru efni greinar Öldu Sigmundsdóttur á The Guardian þar sem hún veltir fyrir sér hvort eldgosið hafi bjargað Björgólfi Thor Guðmundssyni frá reiði bloggara.

Björgvin G. Sigurðsson hefur ákveðið að láta tímabundið af þingmennsku vegna vinnu þingsins við rannsóknarskýrslu Alþingis um bankahrunið. Hann segist telja rétt að gefa þinginu ráðrúm til að komast að niðurstöðu í þessu vandasama máli.

Danir óttast nú að aska frá eldgosinu í Eyjafjallajökli spilli fyrir afmæli drottningarinnar. Líkt og hér hefur flugumferð að mestu legið niðri í Danaveldi og ef ástandið er viðvarandi á morgun getur það komið í veg fyrir að mikilvægir tiginbornir gestir geti fagnað sjötugsafmæli Margrétar Þórhildar.

Reiðiguðsþjónusta verður í Grafarvogskirkju á föstudagskvöld. Prestar telja sig finna fyrir mikilli reiði í þjóðfélaginu, en hún hafi þó minnkað eftir að rannsóknarskýrslan kom fram.

Valgerður Sverrisdóttir sagði við rannsóknarnefnd Alþingis að ástæðan fyrir því að Samson hópurinn hefði verið valinn til að kaupa Landsbankann hefði verið sá að breski bankinn HSBC sem var ráðgjafi stjórnvalda við söluna hefði metið hann hæfastan. Bréf frá starfsmanni HSBC til einkavæðingarnefndar staðfestir hinsvegar að fyrirtækið hagræddi matinu vísvitandi til að afhenda bankann, ,,réttum aðila."

Ólafur Ragnar Grímsson segir skýrslu rannsóknarnefndar Alþingis ekki gefa tilefni til að hann segi af sér embætti. Hann segir siðahluta skýrslunnar byggja á rangfærslum. Hann hafi lagt sín verk í dóm þjóðarinnar, til að mynda þegar hann vísaði fjölmiðlafrumvarpinu til þjóðarinnar skömmu fyrir forsetakosningar.Þetta kom fram í viðtali við forsetann á Rás 2 fyrir stundu.

Um hundrað manns voru mættir í héraðsdóm til þess að fylgjast með umræðum um frávísunarkröfu vegna ákæru á hendur níu mótmælendum. „Við lifum á sögulegum tímum,“ sagði Ragnar Aðalsteinsson lögmaður í upphafi ræðu sinnar í Héraðsdómi.

Svandís Svavarsdóttir umhverfisráðherra segir að Sjálfstæðismenn láti eins og foreldar sem beri ekki ábyrgð á því að börnin fari sér að voða með leikföngum sem eru þeim hættuleg.Það væri meiri bragur á því að þeir viðurkenndu  að vandinn lægi í hugmyndafræði sem þeir hefðu endurtekið boðað fyrir kosningar. Þingmenn hafa rætt um skýrsluna um bankahrunið frá því á hádegi.

Gamla Markarfljótsbrúin er undir vatni og stór vatnsbylgja á leiðinni niður.Fólk erekki talið í hættu en búið er að rýma hættusvæðið. Mikill viðbúnaður er vegna eldgossins í Eyjafjallajökli en um sjöhundruð manns þurftu að yfirgefa heimili sín í nótt.

Ábyrgðarmenn konu sem fékk greiðsluaðlögun í fyrrasumar verða látnir greiða skuldirnar samkvæmt  tveimur dómum Héraðsdóms Suðurlands í gær. Dómarinn segir lög um ábyrgðarmenn ganga gegn stjórnarskrá. Þessir dómar varða afar marga ábyrgðarmenn í sambærilegri stöðu og setja framkvæmd greiðsluaðlögunar í algert uppnám. Á annað hundrað manns hafa fengið greiðsluaðlögun en bak við þá gætu verið um fimmhundruð ábyrgðarmenn.

Björn Valur Gíslason þingmaður VG var beðinn að gæta orða sinna um forsetann í umræðum um bankahrunið á Alþingi nú fyrir stundu. Björn Valur fór hörðum orðum um vinfengi og stuðning Ólafs Ragnars við útrásarvíkinga og hvatti hann til að segja af sér

Eigendur World Class hóta að stefna fyrirtækinu MMR vegna skoðanakönnunar þar sem spurt var um afstöðu almennings til áframhaldandi aðkomu fyrri eigenda að fyrirtækjum sem hafa átt í rekstrarerfiðleikum. Könnunin var gerð fyrir viðskiptavin fyrirtækisins. Ólafur Þór Gylfason framkvæmdastjóri MMR segist harma að lögmaðurinn  beiti hótunum um lögsókn til að hindra eðlilegar viðhorfskannanir meðal almennings.

Bjarni Benediktsson segir að Sjálfstæðisflokkurinn geti ekki tekið á sig ábyrgð á hlutum sem hann hefur engin tök á að stýra. Hann segist hafa greitt sínar skuldir að fullu, fyrir utan húsnæðislán.

Brot þeirra ráðherra sem taldir eru hafa vanrækt ráðherraskyldur sínar í aðdraganda og eftirleik bankahrunsins varða allt að tveggja ára fangelsi. Brot níumenningana sem ætlaðu  á þingpalla Alþingis 8.desember ásamt 20 öðrum mótmælendum en lentu  í átökum við þingverði og lögreglu, geta hinsvegar varðað allt að sextán ára fangelsi.

Einar K. Guðfinnsson þingmaður og fyrrum ráðherra Sjálfstæðisflokksins segir forystumenn flokksins alls ekki þurfa að segja af sér þrátt fyrir að þeir hafi tekið stór lán í bönkunum til hlutabréfakaupa. Þorgerður Katrín Gunnarsdóttir og eiginmaður hennar skulduðu 1700 milljónir í Kaupþingi. Einar segir ekki rétt að draga þann lærdóm af skýrslunni að stjórnmálamenn eigi ekki að koma nálægt atvinnulífi.

Össur Skarphéðinsson segir fjarri lagi að Samfylkingin sé einhver aðalleikari í efnahagshruninu. Hann telji þó að flokkurinn þurfi að skoða hugmyndafræði sína og hann og aðrir hafi gert mistök þegar þeir gengu ekki harðar eftir því að efnahagsmálin væru rædd í ríkisstjórn.

Björgvin G. Sigurðsson formaður þingflokks Samfylkingarinnar hefur ákveðið að hætta formennsku í kjölfar niðurstöðu skýrslu rannsóknarnefndar Alþingis. Björgvin var einn þeirra sjö sem Rannsóknarnefnd Alþingis telur að hafi gerst sekur um vanrækslu í starfi í aðdraganda bankahrunsins. Þingmenn ræða nú skýrsluna. Forsætisráðherra segir Samfylkinguna þegar hafa axlað ábyrgð með því að rjúfa samstarf fyrrverandi ríkisstjórnar.

Björn Ingi Hrafnsson er hættur tímabundið sem ritstjóri Pressunar en frá því er greint í Rannsóknarskýrslu Alþingis að hann hafi skuldað meira en hálfan milljarð í Kaupþingi. Björn Ingi segist aldrei hafa þegið boð frá stórfyrirtækjum um utanlandsferðir eða laxveiði. Blaðamál varð á sínum tíma þegar hann og fleiri fóru til veiða í laxveiðiá sem Baugur hafði á leigu skömmu áður en vinna hófst við samruna REI og Geysis Green.

Sjálfstæðisflokkurinn fékk langmest fé frá stóru bönkunum þremur á árunum 2003-2008 eða  rúmlega 52 milljónir króna. Athygli vekur að af þessari  upphæð fékk Samband ungra sjálfstæðismanna tæpar 34 millljónir eða krónur eða sextíu og fimm prósent allra framlaga til flokksins og félaga innan hans.

Eigendur allra stóru bankanna fengu óeðlilegan aðgang að lánsfé í skjóli eignarhaldsins samkvæmt niðurstöðum Rannsóknarnefndar Alþingis. Stærstu áhættuskuldbindingar bankanna tengdust eigendum þeirra og ástandið versnaði þegar fór að þrengja að bönkunum á árunum 2007 og 2008. Í bankahruninu töpuðust verðmæti í bönkunum sem nema fimmfaldri landsframleiðslu.

Hugmyndir Davíðs Oddssonar um þjóðstjórn á ríkisstjórnarfundi í kringum hrunið olli miklum titringi í ríkisstjórninni. Hálfgerð valdaránstilraun að sögn Björgvins G. Sigurðssonar.

Þrír ráðherrar gerðu sig seka um vanrækslu og eru brotlegir við lög um ráðherraábyrgð samkvæmt Rannsóknarnefnd Alþingis. Þetta eru þeir, Geir H. Haarde forsætisráðherra, Björgvin G. Sigurðsson viðskiptaráðherra og Árni M. Mathiesen fjármálaráðherrra. Allir þessir ráðherrar höfðu nægar upplýsingar til að bregðast við hættumerkjum í íslensku efnahagslífi en gerðu það ekki.

Rannsóknarskýrsla Alþingis var gerð opinber klukkan 10.06 í morgun. Hún telur um 2300 síður, tæplega 500 síðum lengri en Biblían.

,,Rannsóknarrétturinn hefur ítrekað komið fram til að skýra frá því að hann hafi í allan vetur grátið sig í svefn yfir þeirri óhamingju sem skýrslan  boðar," segir Ögmundur Jónasson á heimasíðu sinni um viðbúnað í þjóðfélaginu vegna rannsóknarskýrslu Alþingis. ,,Skýrir þetta kannski spenninginn? Svona einsog þegar fólk safnaðist saman til að fylgjast með því þegar fólk var hálshoggið eða brennt á báli? Hópmúgsefjun. Hverju er verið að fullnægja? Réttlætinu? Er þjóðin kannski að ná sér í syndaaflausn?

Krafist var frávísunar á máli níu mótmælenda í Héraðsdómi í dag, vegna þess að málið hefði verið sótt af vanhæfum ríkissaksóknara. Fólkið ætlaði á þingpalla Alþingis 8.desember ásamt 20 öðrum mótmælendum en lenti í átökum við þingverði og lögreglu sem meinuðu þeim inngöngu. Ragnar Aðalsteinsson lögmaður sagði að ríkissaksóknari hefði verið vanhæfur til að fara með málið og þar af leiðandi væri lögreglurannsóknin ónýt.

Össur Skarphéðinsson segir að menn megi ekki fara á taugum í Evrópumálunum þótt á móti blási um stund. Ingibjörg Sólrún Gísladóttir hefur lýst því yfir að fresta beri aðildarviðræðum við ESB vegna ástandsins í þjóðfélaginu enda sýnt að aðild yrði felld í þjóðaratkvæðagreiðslu. Þessu segist Össur vera fullkomlega ósammála. Hann telur afskipti Ingibjargar ekki veikja stöðu forsætisráðherra en menn eigi að gæta orða sina.

Steingrímur J. Sigfússon fjármálaráðherra segir að það hvíli fortakslaus lagaskylda á skilanefndum að vísa málum til sérstaks saksóknara sé grunur um refsivert athæfi. Glitnismálið kunni að benda til þess að það hafi orðið misbrestur þar á.

Karl Sigurbjörnsson biskup skrifaði prestum og djáknum bréf þar sem hann hvetur til þess að söfnuðir kaupi eintak af skýrslu Rannsóknarnefndar Alþingis og láti liggja frammi í safnaðarheimilum þar boðið verði uppá samverustundir þar sem unnt verði að ræða skýrsluna. Þegar hafa leikarar Þjóðleikhússins lýst því yfir að þeir ætli að lesa skýrsluna í heild sinni fyrir gesti og gangandi.

Eignarhaldsfélög útrásarvíkinga skulda samanlagt meira en nemur Icesave-skuldinni en félögin eiga nær ekkert nema skuldir, Skuldir þessara félaga koma til viðbótar stóru gjaldþrotunum sem mest er fjallað um í fréttum. Fái þessi félög að þrauka fram í október 2010 eru allar aðgerðir eigendanna fyrir hrun fyrndar og ekki hægt að rifta þeim.

,,Maður bara nuddar augun og trúir þessu varla,“ segir Steingrímur J. Sigfússon fjármálaráðherra um mál sexmenninganna sem skilanefnd Glitnis stefndi  í gær.

Þetta tiltekna mál er ekki til rannsóknar hjá sérstökum saksóknara. Ráðherrann segir málið þó hljóta að vera sakamál ef það komi á daginn að menn hafi misnotað bankana með þessum hætti.

Norska Dagblaðið ræðir í dag við Íslendinga sem hafa gefist upp á kreppunni og flytja til Noregs í leit að betra lífi. „Ég sé enga framtíð hérna, næstu 20 árin,“ segir Anna Margrét Bjarnadóttir, 46 ára, sem starfaði sem fasteignasali fyrir hrun, en missti vinnuna í upphafi kreppu.

,,Yfirlýsing ríkisenduskoðanda ber ekki aðeins vott um skort á góðri stjórnsýslu, heldur staðfestir hún hversu útbreidd óvönduð stjórnsýsla er á Íslandi," segir Sigurbjörg Sigurgeirsdóttir stjórnsýslufræðingur. Hún fjallar á bloggsíðu sinni um harða gagnrýni ríkisendurskoðanda í gær á heilbrigðisráðherra.  Sigurbjörg segir yfirlýsinguna setja hugmyndina um sjálfstæði stofnunarinnar í uppnám.

Formaður Landssamtaka sauðfjárbænda veltir fyrir sér hvort bændur séu að súpa seyðið af því að vera óþægir  í aðildarviðræðum við Evrópusambandið.Hann nefnir sem dæmi áform um að sameina landbúnaðar og sjávarútvegsráðuneyti en þetta séu þeir málaflokkar sem séu erfiðastir.

Formaður Landssamtaka sauðfjárbænda veltir fyrir sér hvort bændur séu að súpa seyðið af því að vera óþægir  í aðildarviðræðum við Evrópusambandið.Hann nefnir sem dæmi áform um að sameina landbúnaðar og sjávarútvegsráðuneyti en þetta séu þeir málaflokkar sem séu erfiðastir.

Einar Skúlason oddviti framsóknarmanna í kosningunum til borgarstjórnar í vor mun synda yfir Fossvoginn, frá Kópavogi yfir í Nauthólsvík til að safna fé í kosningasjóð Framsóknarflokksins í  hádeginu föstudaginn 23. apríl.

Vegalengdin er um 600 metrar og menn leggja ýmislegt á sig í pólitíkinni en það er búist við að hitastig sjávar verði ekki hærra en ca. 5-7°C.

Einar Skúlason oddviti framsóknarmanna í kosningunum til borgarstjórnar í vor mun synda yfir Fossvoginn, frá Kópavogi yfir í Nauthólsvík til að safna fé í kosningasjóð Framsóknarflokksins í  hádeginu föstudaginn 23. apríl.

Vegalengdin er um 600 metrar og menn leggja ýmislegt á sig í pólitíkinni en það er búist við að hitastig sjávar verði ekki hærra en ca. 5-7°C.

Ný reglugerð heilbrigðisráðuneytisins tryggir foreldrum barna með skarð í vör eða góm og/eða alvarlega tannvöntun 95 % endurgreiðslu sem er í raun um tvöföldun á því sem var.

Bensínverð hefur hækkað úr 151 krónu í 210 á einu ári. Álagning olíufélaganna hefur þó lækkað en heimsmarkaðsverð og skattar rokið upp. Gæti þó verið vísbending um að heimskreppan sé í rénum.

Álfheiður Ingadóttir heilbrigðisráðherra segir viðbrögð ríkisendurskoðanda byggjast á misskilningi. Hann hefur sent forseta Alþingis bréf í tilefni af tilkynningu Álfheiðar um að hún ætli að áminna forstjóra Sjúkratrygginga fyrir brot á almennum starfsskyldum ríkisstarfsmanna. Álfheiður segist ekki hafa neinar athugasemdir við að menn leiti til ríkisendurskoðanda en forstjóranum hafi borið að leita fyrst til ráðuneytisins.

,,Hann minnir mig helst á lækni sem kann að koma vel og kurteislega fram við sjúklinga sína án þess að hafa metnað eða getu til að lækna þá.“ segir Þráinn Bertelsson um Gylfa Magnússon viðskiptaráðherra í nýjasta pistli sínum og á erfitt með að botna í vinsældum hans í nýjustu könnun Gallups á vinsældum ráðherra. Þráinn telur ánægju með óflokksbundna ráðherra benda til óánægju með stjórnmálaflokka.

Guðlaugur Þór Þórðarson þingmaður Sjálfstæðisflokksins hefur farið fram á fund í heilbrigðisnefnd Alþingis fyrir hönd sjálfstæðismanna í framhaldi af fréttum þess efnis að Álfheiður Ingadóttir heilbrigðisráðherra ætli að áminna forstjóra Sjúkratryggingastofnunar.

Færeyskur lögfræðingur hvetur fólk til að henda rukkunarbréfum frá innheimtufyrirtækinu Intrum í ruslið, þar sem fyrirtækið eigi ekki rétt á að rukka sérstakt innheimtugjald frá skuldurum heldur megi það aðeins krefjast greiðslu skuldarinnar. Færeyska Intrum er að hluta í eigu Íslendinga.

Færeyskur lögfræðingur hvetur fólk til að henda rukkunarbréfum frá innheimtufyrirtækinu Intrum í ruslið, þar sem fyrirtækið eigi ekki rétt á að rukka sérstakt innheimtugjald frá skuldurum heldur megi það aðeins krefjast greiðslu skuldarinnar. Færeyska Intrum er að hluta í eigu Íslendinga.