Jóhanna Sigurðardóttir forsætisráðherra er bjartsýn á framhald Icesave-viðræðna og fjármálaráðherra talar um að stjórnarandstaðan hafi sýnt spil sín í kjölfar þjóðaratkvæðagreiðslunnar.

Steingrímur J. Sigfússon fjármálaráðherra staðfesti eftir ríkisstjórnarfund að það yrðu gerðar breytingar í ríkisstjórninni. Þá er unnið að því að fækka ráðuneytum í samræmi við stjórnarsáttmála en ekki ljóst hvenær að því verður.

Össur Skarphéðinsson utanríkisráðherra er ánægður með hvernig gengið hefur að stýra umfjöllun ytra í kjölfar þjóðaratkvæðagreiðslunnar á mánudag og fullyrðir að ríkisstjórnin muni starfa áfram.

Á kynjakvóti rétt á sér? Ber að viðskiptavæða kvennastörf, svosem ummönnunarstörf og skólakerfið, meira en gert er? Fara hagsmunir barna og foreldra þeirra alltaf saman? Blaðamaður spjallaði við Margréti Pálu Ólafsdóttur skólastjóra um þessi mál og margt fleira.

Sextíu prósent þjóðarinnar vilja ekki borga Bretum og Hollendingum neitt vegna Icesave samkvæmt nýrri könnun.

Er þetta borgin sem efnahagskreppa heimsins hitti verst fyrir árið 2008? spyr blaðamaður Volkskrant í Hollandi í dag. Blaðið fjallar um íslensku þjóðaratkvæðagreiðsluna í leiðara og umfjöllun.

Jóhanna Sigurðardóttir forsætisráðherra segir að ríkisstjórnin þurfi að þétta raðirnar.

Þetta kom fram í umræðum formanna stjórnmálaflokka í þættinum Silfri Egils. Ekki er ljóst hvort Jóhanna átti við hvort breytingar yrðu gerðar í ríkisstjórninni en Ögmundur Jónasson sagði af sér sem heilbrigðisráðherra vegna Icesave-málsins.

Tæpur helmingur Íslendinga vill kjósa aftur um Icesave – lögin ef nýr samningur verður gerður við Breta og Hollendinga. Munur er á afstöðu eftir aldri, þannig vill 60 prósent fólk undir þrítugu kjósa aftur.

Klukkan fimm höfðu tæplega fjörutíu prósent kosningabærra manna á landinu öllu kosið í þjóðaratkvæðagreiðslunni um ríkisábyrgð á Icesave-lögunum.

,,Allar tilraunir til að hætta við þjóðaratkvæðagreiðsluna á laugardag, verða felldar af stjórnarandstöðunni," sagði Bjarni Benediktsson á þingi fyrir stundu. Sigmundur Davíð vill kalla samninganefndina heim fram að þjóðaratkvæðagreiðslu.

„Ef Geert Wilders kemst í ríkisstjórn flyt ég til Íslands.“ Þetta er nafnið á hollenskri Facebook-síðu sem stofnuð er til höfuðs umræddum Wilders, sem hefur verið sakfelldur fyrir rasisma og hatursáróður, en hann hefur gagnrýnt múhammeðstrúarmenn harðlega og biðlaði meðal annars til hollenska hersins um að berja niður marokkósk ungmenni í borgum Hollands.

Beðið var fyrir landi, þjóð og þingi á Austurvelli í dag. Á bilinu 100 – 150 manns krupu niður í snjóinn á Austurvelli og sungu svo þjóðsönginn í kjölfarið. Upphafið má rekja til Sviss. „Það var maður í Sviss sem að varð þess áskynja þegar hann var að biðja til Guðs að það væri dökkt ský yfir landinu og hér væru vondir tímar í vændum og hann hafði samband við trúaðan mann til þess að safna saman leiðtogum í söfnuðunum.“

Sóley Tómasdóttir borgarfulltrúi VG segir óeðlilegt að leyna vaxtakjörum af fimm milljarða láni Landsbankans til Orkuveitunnar. Þarna sé ríkisbanki að lána fyrirtæki í eigu almennings og ekkert réttlæti að þessum upplýsingum sé haldið frá almenningi. Borgarfulltrúar Samfylkingarinnar gengu af fundi borgarstjórnar í gær þegar lánið var tekið var fyrir. Sóley sat hinsvegar hjá og segir ekki hægt að taka upplýsta afstöðu meðan staðreyndir málsins liggi ekki fyrir

Niðurstöðu starfshóps um lokun Varnarmálastofnunar er að vænta á næstu dögum. Hópurinn hefur farið yfir verkefni Varnarmálastofnunar og mun leggja mat á hvar sé æskilegt að þau verkefni verði hýst í framtíðinni.

Skilanefndir bankanna hafa ekki vísað einu einasta máli,“ til skattrannsóknarstjóra,“ segir Ögmundur Jónasson þingmaður VG. ,,Svarið var einfalt: ,,Engu“. Þetta hlýtur að teljast stórfurðulegt."

Enn ein úrslitastundin nálgast nú í Icesave-málinu og forsætisráðherra er bjartsýnn á að betri samningar náist. Ólíklegt virðist af orðum hennar og fjármálaráðherra að dæma að þjóðaratkvæðagreiðslan fari fram á laugardag.

Ragna Árnadóttir dómsmálaráðherra er að fara að leggja fram nýtt frumvarp sem skerpir á lögum um auglýsingar á fjárhættuspili á netinu. Þetta kom fram í fyrirspurnartíma á Alþingi í dag.

Ögmundur Jónasson tók málið upp en hann fór hörðum orðum um slíka auglýsingu sem birtist á Vísi á vefsíðu sinni í morgun.

Grunur er um að auðmenn komi undir sig fótunum á ný með fé úr eignarhaldsfélögum sem skiptastjórar hafa dregið að setja í þrot.

Róstur er nýr prentmiðill sem dreift verður á fimmtudag. Aðstandendur segja flesta fjölmiðla vera dulin áróðurstæki eigenda sinna og taka stundargróða fram yfir góða fréttamennsku.

Maybe I Should Have verður sýnd fyrir stækkunarráð Evrópusambandsins í Brüssel.

Egill Sigurðsson,  stjórnarformaður Auðhumlu, segir að það sé grafalvarlegt mál að nærri fjórðungur íslenskra bænda sé í alvarlegum greiðsluerfiðleikum. Hann segir óvissuna leggjast verst í skulduga bændur og tafir í bankakerfinu séu óviðunandi.

Tveir bæjarfulltrúar Á-lista á Álftanesi hafa lagt fram stjórnsýslukæru vegna tveggja fulltrúa í eftirlitsnefnd um fjármál sveitarstjórnarmála sem þeir segja vera vanhæfir til að fjalla um málefni Álftaness.

Á-listi bæjarstjórnar á Álftanesi segir meirihlutann ekki hafa í huga að endurskipuleggja sjálfstætt sveitarfélag heldur hafi uppi pólitíska áætlun um að knýja fram sameiningu við Garðabæ.