Köben heitari en Tiger
Meiri áhugi á loftslagsráðstefnu en framhjáhaldara
Kaupmannahöfn (Copenhagen) hefur tekið við Tiger Woods sem vinsælasta leitarorðið á Google. Tiger Woods hefur í nokkurn tíma átt metið vegna vandræða í einkalífinu sem ekki nokkur maður hefur eflaust farið varhuga af.
Þrátt fyrir marga góða kosti Kaupmannahafnar má að öllum líkindum skrifa þessar vinsældir á COP15 ráðstefnuna sem nú stendur yfir.
Vefsíðan treehugger.com gleðst yfir þessum fregnum og segir þær sýna að alþjóðasamfélagið hafi gríðarlegan áhuga á loftslagsmálum. Auk Kaupmannahafnar eru orðin loftslagsbreytingar (climate change) og hlýnun jarðar (global warming) mjög vinsæl leitarorð um þessar mundir.