Opinn fundur um mansal
Á föstudaginn verður haldinn opinn morgunverðarfundur á vegum utanríkisráðuneytisins í samstarfi við dómsmála- og mannréttindaráðuneytið um hina alþjóðlegu baráttu gegn mansali. Morgunverðarfundurinn er haldinn í gyllta salnum á Hótel Borg kl. 9:00. Fundurinn fer fram á ensku, er öllum opinn og aðgangur ókeypis.
Fundurinn hefst með ávarpi Össurar Skarphéðinssonar utanríkisráðherra. Síðan er dagskráin svohljóðandi:
Aðgerðir Öryggis- og samvinnustofnunar Evrópu (ÖSE) í baráttunni gegn mansali
Eva Biaudet, mansalsfulltrúi ÖSE
Mikilvægi aðgerða gegn mansali
Þórunn J. Hafstein, settur ráðuneytisstjóri dómsmála - og mannréttindaráðuneytis
För yfir landamæri
Sigríður Björk Guðjónsóttir, lögreglustjóri á Suðurnesjum og Alda Hrönn Jóhannsdóttir, aðstoðarlögreglustjóri á Suðurnesjum
Aðgerðaáætlun Íslands gegn mansali
Hildur Jónsdóttir, forsætisráðuneytinu og formaður sérfræði- og samhæfingarteymis um mansalsmál
Aðstoð við fórnarlömb mansals, hindranir fjarlægðar
Margrét Steinarsdóttir, Alþjóðahúsi
Í framhaldi verður opnað fyrir fyrirspurnir og umræður.
Fundarstjóri: Gréta Gunnarsdóttir, sendiherra, sviðsstjóri alþjóða og öryggissviðs utanríkisráðuneytisins
Athugasemdir (3)
-
tverhaus skrifar:
Hverskonar fréttavefur er þetta, hér er ekkert skrifað um það sem er raunverulega í gangi í þjóðfélaginu?????
hrunið, spillinguna og frumvarpið þar sem VG og Samfó gáfu kúlulánaþegum hundruðir milljóna????
Er þetta fréttavefur eða bara morgunblað VG -
Sóley Tómasdóttir skrifar:
Þverhaus. Mansal er raunverulega í gangi í þjóðfélaginu og verður að uppræta.
-
tverhaus skrifar:
Ég er ekki að segja að mannsal sé ekki vandmál.
En þessi vefur hann er orðin ægilegur, þetta byrjaði ágætlega en það að ekki skuli hafa verið fengið álit lögfræðings á nýju lögunum, það að smugan hafi ekki svo mikið sem skrifað um þessi lög er bara ægilega ótrúleg blaðamennska og ýtir undir grunsemdir fólks að VG sé fallið í gryfju spillingar Samfylkingar, Framsóknar og Sjálfstæðisflokks.
Mansal er að sjálfsögðu vandamál, en þegar það á að taka til í þjóðfélagi skal byrja á toppunum og vinna sig niður.
Það að 20 manns skuli vera rannsaka þetta mansalsmál, á meðan 14 manns eru að rannsaka stærsta efnahagshrun veraldar þá er eitthvað mikið að í stjórnkerfinu og forgangsröðuninn er algjörlega röng.
Skrifa athugasemd