Ríkisstjórnin hefur samþykkt að leggja fyrir Alþingi frumvarp forsætisráðherra um ráðgefandi stjórnlagaþing til samræmis við 100 daga áætlun stjórnarinnar.

Mikill hiti var á borgarafundi í Iðnó í gær sem bar yfirskriftina IceSave – getum við borgað? Troðfullt var útúr dyrum og menn ekki á eitt sáttir.

mótmælaaðgerðum á morgun gegn mannréttindabrotum og umhverfisspjöllum sem hlotist hafa af olíuvinnslu Shell á óseyrum Nígerfljóts í Nígeríu.

Í Kastljósi kvöldsins var greint frá rannsókn tveggja lögfræðinema á Bifröst sem sýnir fram á að tilteknar fisktegundir séu vannýttar og notaðar til þess að braska með í leigu.

Svandís Svavarsdóttir átti á dögunum fund með umhverfisráðherra Svíðþjóðar. Þau ræddu um fyrirliggjandi beiðni ríkisstjórnar Íslands um formlegar viðræður við ESB um að Ísland verði þátttakandi í heildarfyrirkomulagi um losun gróðurhúslofttegunda.

Opinn borgarafundur um Icasave samninginn verður haldinn í Iðnó í kvöld. Einn af skipuleggjendum segir samninginn koma okkur í klípu en að eitthvað verði að gera. Hann á von á góðum fundi.

Opnaður hefur verið nýr vefur, vinn.is,  sem er til þess gerður að auðvelda fólki að gera innkaup sín vistvæn. Á vefnum er hægt að nálgast fræðsluefni og upplýsingar af ýmsum toga.

Samtök ríkja sem háð eru innflutnigi á olíu spá minnkandi eftirspurn. Samtökin telja Alþjóðagjaldeyrissjóðinn gera ráð fyrir meiri hagvexti en raunhæft sé á næstu árum.

Ungir jafnaðarmenn fordæma grimmd íranskra stjórnvalda í garð almennings.

Franska verslunarkeðjan Carrefour hefur ákveðið að hætta að bjóða upp á plastpoka undir vörur í verslunum sínum á Spáni. Hver íbúi á Spáni notar um 250 plastpoka á ári. 

Í morgun var undirritaður samningur milli Barnaheilla og ríkislögreglustjóra þess efnis að tilkynningar um óviðeigandi myndbirtingar fari beint til ríkislögreglustjóra. Framkvæmdastjóri Barnaheilla fagnar þessum áfanga og segir hann stórt skref í því að uppræta og útrýma slíku efni.

Stöðugleikasáttmáli var undirritaður nú fyrir stundu. Mikil sátt virtist ríkja milli aðila samningsins við undirritunina sem fór fram í Þjóðmenningarhúsinu. Jóhanna Sigurðardóttir forsætisráðherra þakkaði öllum sem komu að gerð sáttmálans. Hann má í heild lesa á vefnum island.is

Skrifað verður undir stöðugleikasáttmála í Þjóðmenningarhúsinu nú klukkan hálftvö. Varaformaður BSRB segir niðurstöðu þar sem margir aðilar koma að alltaf verða málamiðlun.

Ályktun sem miðar að því að gripið verði til aðgerða til þess að sporna við gróðurhúsaáhrifum var samþykkt á fundi Alþjóðahvalveiðiráðsins. Ályktunin kom frá Bandaríkjamönnum sem sætir tíðindum að mati formanns Nattúruverndarsamtakanna.

Mikill uggur er í fólki vegna þess fjölda sem hefur sótt um framhaldsskóla fyrir næsta vetur og ekki fengið inn í óskaskólann. Menntamálaráðherra segist vel meðvitaður um vandann og að farið verði vel yfir málin í sumar og reynt að leita úrlausna.

Stöðugleikasáttmáli verður undirritaður klukkan 13 í dag. Mikið hefur verið deilt um hvort eigi að einblína á niðurskurð eða hækka skatta. BSRB vilja hækka skatta en Samtök atvinnulífsins og ASÍ eru sammála um að skera þurfi niður.

Stjórn VG í Kópavogi fordæmir áframhaldandi samstarf Sjálfstæðis- og Framsóknarfólks í Kópavogi og telur það sýna vilja til að viðhalda þeirri spillingu og eiginhagsmunapoti sem hefur fengið að viðgangast í bæjarpólitíkinni undanfarin ár og að hagsmunir bæjarbúa séu virtir að vettugi.

Jón F. Thoroddsen, verðbréfamiðlari, hagfræðingur og höfundur bókarinnar Íslenska efnahagsundrið nafngreindi þrjá núverandi og fyrrverandi starfsmenn 365 í viðtali við Spegilinn á mánudaginn og sagði þá hafa boðað fagnaðarerindið fyrir hönd útrásarvíkinga í aðdraganda bankahrunsins.

Olís hefur ákveðið að lækka bensínlítrann um 12,5 krónur. Í gær var lítrinn hækkaður um þá upphæð vegna þess að birgðir félagsins síðan fyrir skattabreytingu væru á þrotum. Á heimasíðu Olís kemur fram að félagið ætli að taka á sig hækkunina tímabundið.

Bæjarfulltrúi Framsóknarflokksins í Kópavogi segist gríðarlega sáttur við ákvörðun um áframhaldandi meirihlutastarf með Sjálfstæðisflokknum. Hann vill ekki tjá sig um það hvort hann hefði persónulega viljað fara í meirihluta með VG og Samfylkingunni eins og margir spáðu að myndi gerast.

Hvalaskoðun aflar hærri tekna en hvalveiðar samkvæmt skýrslu sem var birt á ársfundi Alþjóðahvalveiðiráðsins á Madeira í gær. Dýraverndunarsjóðurinn segir að hvalveiðiþjóðir myndu græða á því að snúa sér algerlega að hvalaskoðun.

Í dag hækkaði bensínverð hjá Olíuverslun Íslands, Olís, um 12,5 krónur á lítrann. Verð á bensínlítra í sjálfsafgreiðslu er í dag 192,3 krónur. 

Þór Saari, þingmaður Borgarahreyfingarinnar er nú farinn í tveggja vikna leyfi frá Alþingi af persónulegum ástæðum. Varaþingmaðurinn Valgeir Skagfjörð sem er leikari, leikstjóri og tónlistarmaður hefur nú tekið sæti hans. 

Grænlendingar vilja veiða hnúfubak á ný en það hafa þeir ekki gert í nokkru skyni síðan 1986. Danir munu leggja fram þessa tillögu fyrir hönd Grænlands á ársfundi Alþjóðahvalveiðiráðsins sem hófst í morgun á portúgölsku eyjunni Madeira.

Aðgerðarhópur háttvirtra öryrkja stendur fyrir straujun fyrir framan Alþingi í dag. Ætlun hópsins er að standa fyrir framan Alþingi fyrir boðaðan þingfund klukkan 15 og strauja fjárlagafrumvarpið sem kynnt var fyrir helgi. Hann segir það siðleysi að lækka mánaðartekjur lífeyrisþega með 10 daga fyrirvara.

Bæjarfulltrúi VG segir að í hans huga sé meirihlutasamstarf Sjálfstæðisflokks og Framsóknarflokks í Kópavogi dautt. Hann segir meintar ólöglegar lánveitingar úr lífeyrissjóði Kópavogsbæjar vera óásættanlegar og skelfilegt að menn skuli ganga svo langt.

Gunnar Birgisson ætlar að víkja úr sæti bæjarstjóra og bæjarfulltrúa meðan lögreglurannsókn fer fram á málefnum Lífeyrissjóðs starfsmanna Kópavogsbæjar. Lögregla rannsakar nú meintar ólöglegar lánveitingar sjóðsins til bæjarins. Gunnar hefur gegnt stjórnarformennsku í sjóðnum.

Skýringar á Icesave samningnum hafa verið birtar á vefnum island.is. Þar er einnig að finna spurningar og svör um Icesave auk almennra upplýsinga um aðdraganda málsins.

Hér eru skýringarnar.

Í fréttatilkynningu frá Biskupsstofu kemur fram að kirkjuráð harmar sársauka og vonbrigði sem fram komu í frásögn Sigrúnar Pálínu Ingvarsdóttur. Hún greindi kirkjuráði í dag frá meintum alvarlegum siðferðisbrotum sem hún kveðst hafa orðið fyrir af hálfu sr. Ólafs Skúlasonar er hún leitaði til hans sem sóknarprests.

Fyrstu langreyðar hvalveiðitímabilsins voru dregnar í land uppúr fjögur í nótt. Forstjóri Hvals segist ánægður með afreksturinn sem voru tvö dýr, kýr og tarfur. Kýrin var 61 fet en tarfurinn 68. Hann segist kominn með leið á spurningum blaðamanna sem hann segir allar tengjast því hvort markaður sé fyrir kjötið.

Björn Mikkaelsson, maðurinn sem reif niður hús sem átti áður á þjóðhátíðardaginn, segist alls ekki sjá eftir gjörningnum. Honum þykir hins vegar leitt að hafa svikið fólk en segir það hluta af keðjuverkun sem fer í gang þegar honum er ekki borgað fyrir sína vinnu.

Boðuð hafa verið mótmæli á morgun gegn Icesave samningnum. Annars vegar hafa Raddir fólksins boðað mótmæli á morgun á Austurvelli. Hins vegar hafa verið boðuð mótmæli á Akureyri þar sem gengið verður frá Samkomuhúsinu niður á Ráðhústorg.

Bleiku steinarnir verða afhentir í dag, á kvenréttindadeginum. Þeir voru fyrst afhentir þann 19. júní 2003. Undanfarin ár hefur afhendingin farið fram við styttuna af Jóni Sigurðssyni en í ár fer hún fram í Bríetarbrekku.

Í frumvarpi um ráðstafanir í ríkisfjármálum er lagt til að hámarksgreiðslur úr fæðingarorlofssjóði verði 350.000 en tíminn til að nýta orlofið verður tvöfaldaður. Aldurstengdar örorkubætur verða tekjutengdar og frítekjumark ellilífeyrisþega lækkar í 480.000.

Icesavesamingar íslenskra stjórnvalda við Breta og Hollendinga eru nú aðgengilegir á vef stjórnvalda, island.is. Skýringar og greinargerð vegna saminganna eru í vinnslu og verða birt á næstu dögum að sögn forsætisráðuneytisins.

Mikið stuð var fyrir stundu á Alþingi er óundirbúinn fyrirspurnartími og atkvæðagreiðsla fóru fram. Mikið var um frammíköll og hlátrasköll þegar þingmaður framsóknarflokksins gagnrýndi forseta Alþingis fyrir miður góða fundarstjórn.

Eftir fund forseta Alþingis með þingflokksformönnum um upplýsingar um Icesave varð niðurstaðan að umræðan mun frestast eitthvað fram eftir degi. Í ljós kemur síðar klukkan hvað hún hefst.

Þingfundi hefur nú verið frestað á meðan forseti Alþingis ræðir við þingflokksformenn. Að þeim fundi loknum kemur í ljós hvort utandagskrárumræða um Icesave muni fara fram í dag eins og upphaflega var áætlað.

Ekki er ljóst hvort verði úr umræðu í þinginu í dag um Icesave samningana. Ásta Ragnheiður Jóhannesdóttir, forseti Alþingis, greindi frá þessu í upphafi þingfundar fyrir nokkrum mínútum.

Aðeins örfáir en gallharðir mótmælendur standa nú Icesave-vaktina við Alþingi. Mikið er flautað og barið á trommur, bong og búsáhöld. Þrír lögregluþjónar standa vörð við Alþingishúsið og hefur allt farið friðsamlega fram í dag.

Þrátt fyrir hástemmdar yfirlýsingar meirihluta borgarstjórnar um sumarstörf á vegum borgarinnar er nú ljóst að frá árinu 2001 hafa aldrei verið færri störf í boði fyrir ungmenni á aldrinum 17-25 ára segir borgarfulltrúi VG.

Ríkisstjórnin stefnir á að kynna aðgerðir í efnahagsmálum fyrir Alþingi á fimmtudaginn. Varaformaður ÖBÍ segir öryrkja kvíða tillögunum og ekki skilja hvers vegna á að skera niður þar sem enga fitu er að fá.

Bæjarfulltrúi Samfylkingar segir í raun enga lausn vera komna í mál Gunnars Birgissonar. Málið sé óþolandi, ekki síst fyrir íbúa og starfsmenn Kópavogs sem vita ekkert hvernig málin standa.

Gunnar Birgisson ætlar að hætta sem bæjarstjóri í Kópavogi að kröfu framsóknarmanna. Þetta staðfesti hann í samtali við Vísi. Ekki náðist í formann Sjálfstæðisflokksins, Bjarna Benediktsson. Hann hefur ekki enn tjáð sig um mál Gunnars í fjölmiðlum.

Icesave samkomulaginu var mótmælt fyrir framan Alþingi í dag með tilheyrandi pottaglamri og pönnuslætti líkt og undanfarið. Nokkuð öflug tívolíbomba var sprengd fyrir utan flokksskrifstofu VG á sama tíma og mótmælin voru í hámarki.

Ungir jafnaðarmenn hafa sent frá sér ályktun þar sem skorað er á menntamálaráðherra að hækka námslán fyrir næsta skólaár. Í ályktuninni kemur fram að kjör stúdenta séu orðin það slæm að atvinnuleysisbætur séu skárri kostur en námslán.

Gunnar Birgisson ætlar að stíga úr stóli bæjarstjóra og Gunnsteinn Sigurðsson, annar maður á lista sjálfstæðismanna segist tilbúinn að setjast í sæti Gunnars. Oddviti VG í bæjarstjórn segir það ekki skipta höfuðmáli hver sé með völdin en bendir á að þessi meirihluti beri ábyrgð á Gunnari.

Losun Íslands á gróðurhúslofttegundum getur orðið 34% minni en hún var árið 1990 ef gripið er til allra mögulegra mótvægisaðgerða. Verði álverið i Straumsvík stækkað og annað byggt í Helguvík verður útstreymið 3% þrátt fyrir allar mótvægisaðgerðir.

Í dag verður lokið við að tyrfa Lækjartorg í Reykjavík. Á sama tíma hafnaði framkvæmdaráð Akureyrarbæjar því að tyrfa Ráðhústorg bæjarins þrátt mikinn þrýsting frá bæjarbúum.

Gunnar Birgisson hefur boðist til þess að hætta sem bæjarstjóri Kópavogs til þess að Sjálfstæðisflokkurinn haldi meirihluta. Mál Gunnars og Kópavogsbæjar hafa verið í brennidepli undanfarið vegna viðskipta bæjarins við fyrirtæki dóttur Gunnars, Frjálsa miðlun, sem þykja óeðlileg.

Atvinnuleysi minnkaði lítillega í maí. Að meðaltali voru 14.595, 8,7% vinnufærra, skráðir atvinnulausir í maí sem eru 219 færri en í apríl. Atvinnuleysi dróst því saman um 1,5% á milli mánuða.

Fyrstu fjóra mánuði ársins hefur verið skorið niður um 176 milljónir í ferðakostnaði ráðuneytanna miðað við sama tíma í fyrra. Dagpeningar lækkuðu 1. mars og hafa nú þegar sparast 30 milljónir vegna þess. Farnar eru mun færri ferðir og gæðin hafa færst skör neðar.

Tillögum að lögum um persónukjör er að vænta innan viku að sögn Þorkells Helgasona sem leiðir starfshóp um málið. Hann segir góðan anda vera í hópnum sem skipaður er fulltrúum allra flokka, auk Sambands íslenskra sveitafélaga.

Öryrkjabandalag Íslands lýsir yfir þungum áhyggjum af stöðu öryrkja hér á landi.

Alls lýstu 54 fyrirtæki yfir áhuga á því við Seðlabanka Íslands að taka lán í íslenskum krónum sem endurgreidd yrðu í erlendum gjaldeyri. Landsvirkjun auk annarra orkufyrirtækja munu vera þar á meðal. Bankinn býður nú nánari upplýsinga frá fyrirtækjunum.

Ekki verður gengið að öðru  en veði vegna fasteignaveðlána vegna íbúðarhúsnæðis – fasteigninni sjálfri –   verði lagafrumvarp Lilju Mósesdóttur, þingkonu Vinstri grænna, og fleiri samþykkt á Alþingi.

Baldur Guðlaugsson segir Fjármálaeftirlitið hafa komist að þeirri niðurstöðu að hann hafi ekki búið yfir innherjaupplýsingum þegar hann seldi hlutabréf sín í Landsbankanum. Fullnægjandi skýringar og gögn hafi leitt það í ljós. Hann segist ekki hafa verið beðinn að hætta störfum í stjórnarráðinu.

Alþingismenn fá ekki lengur að ferðast á fyrsta farrými á kostnað Alþingis, þeir skulu ávallt sitja á meðal almennings í ferðum á vegum þingsins. Ferðakostnaður alþingismanna hefur verið lækkaður um fjórðung á þessu ári.

Baldur Guðlaugsson, fyrrverandi ráðuneytisstjóri í fjármálaráðuneytinu, mun starfa sem ráðuneytisstjóri í menntamálaráðuneytinu fram að áramótum og láta þá af störfum. Óskað var eftir því að hann hætti strax, en hann hafnaði því.

Áskorun til forseta Íslands þar sem hann er hvattur til að skrifa ekki undir Icesave lögin verði þau samþykkt á Alþingi gengur nú um netheima.

Fólk á Íslandi telur almennt að einstaklingum sé síður mismunað vegna félagslegrar stöðu sinnar á Íslandi en í Evrópusambandinu. Þetta kemur fram í niðurstöðum rannsóknar á viðhorfum Íslendinga til mismununar sem kynnt var í gær.

Viðskipti Kópavogsbæjar við Frjálsa miðlun ehf. hugsanlega brot á lögum samkvæmt skýrslu Deloitte um viðskipti bæjarins við fyrirtækið sem er í eigu dóttur bæjarstjórans, Gunnars Birgissonar. Vinstri græn segja að lög og reglur hafi verið brotnar og vilja að Gunnar víki.

Bandormur um niðurskurð í ríkisfjármálum verður kynntur á föstudag, en málefnahópar vinnumarkaðar og ríkis eru langt komnir með störf sín og skila nú áfangaskýrslum. Ekki er verið að ræða launalið samninga.

Snemma á ellefta tímanum í kvöld gekk fólk sem komið hafði sér fyrir í húsinu við Fríkirkjuveg 11 sjálfviljugt út. Lögregla var á staðnum og bað fólk að yfirgefa húsið en gerði lítið annað til þess að rýma það.

Húsið við Fríkirkjuveg 11, Templarahöllin, sem stendur í Hallargarðinum í Reykjavík, hefur fengið íbúa. Hópur fólkls flutti inn í húsið í kvöld. Skráður eigandi hússin er Novator, fyrirtæki Björgólfs Thors Björgólfssonar.

Olíufélögin þrjú,  N1, Olís og Skeljungur hafa nú öll lækkað bensínverð og viðurkennt að þau höfðu ekki forsendur til að hækka verð samtímis því að bensíngjald var hækkað á Alþingi.

Fjármálaráðherra segir það samkomulag um iceseve-reikninganna við Breta og Hollendinga sem bíður samþykki Alþingis þeir bestu sem hægt væri að ná. Hann flutti skýrslu um málið á Alþingi í dag. Tekist er á um málið á Alþingi.

Um 500 manns eru nú samankomnir á Austurvelli til þess að mótmæla samningum ríkisstjórnarinnar vegn icesave-málsins. Enn er fólk að tínast að. Fjármálaráðherra mun innan skamms flytja skýrslu um málið inni á Alþingi.

Fjármálaráðherra mun flytja skýrslu um Icesave-samninganna á Alþingi klukkan 15. Boðað hefur verið til mótmæla á sama tíma gegn því að þingið staðfesti samkomulag við Breta og Hollendinga. Eitthvað af fólki er byrjað að safnast saman á Austurvelli.

Tilkynnt hefur verið um myndun nýrrar þriggja flokka stjórnar á Grænlandi. Það er stærsti flokkurinn, Inúítaflokkurinn, sem mun leiða stjórn með Demókrötum og Katusseqatigiit. Gömlu flokkarnir Síumút og Atasut verða því utan stjórnar.

Boðun greiðsluverkfall er meðal þess sem stjórn Hagsmunasamtök heimilanna munu leggja fyrir félagsfund á næstunni. Stjórnin segir ríkisstjórnina hafa rift gildandi samfélagssáttmála.

Vigdís Hauksdóttir, þingkona Framsóknarflokksins, segir Steingrím J. Sigfússon, fjármálaráðherra, hafa sagt Alþingi ósatt og eigi þess vegna að skoða stöðu sína. Þetta koma fram í ræðu hennar á Alþingi.

Þingmenn minnihlutaflokkanna á Alþingi krefjast þess að þingfundi verði frestað þar til niðurstaða IceSave-samninganna verði tekin þar á dagksrá. Þau átelja ríkisstjórnina fyrir að tjá sig um málið í fjölmiðlum eftir að hafa kynnt það fyrir minnihlutanum í trúnaði.

Gerð stöðuleikasáttmála mun halda áfram þrátt fyrir að vaxtalækkun Seðlabankans hafi verið langt undir væntingum í gær. Atvinnurekendur tóku þá ákvörðun í morgun að halda áfram í viðræðunum að gefnum ákveðnum forsendum.

Heilbrigðisráðherra segir vinnu hafna, í víðtæku samráði, við að leita leiða til þess að bæta tannheilsu barna í landinu. Þetta kom fram í svari hans við fyrirspurn í óundirbúnum fyrispurnartíma á Alþingi í dag.

Formaður Fjölskylduhjálpar Íslands kallar eftir stuðningi við starfsemi samtakanna. Hún segir skjólstæðinga samtakanna þrefallt fleiri en síðasta haust. Samtökin standa nú fyrir söfnun í matarsjóð.

Hvítbók, er ný upplýsingasíða sem halda á utan um upplýsingar um helstu gerendur í aðdraganda efnahagshrunsins. Vefsíðan er vistuð á Bresku Jómfrúreyjum.

Pétur H. Blöndal, þingmaður Sjálfstæðisflokksins, gagnrýndi harðlega tillögu Framsóknarmanna um 20% niðurfellingu skulda á Alþingi í dag. Hann sagði hana kosta tvö- til þrjúhundruð milljarða króna og þeim fjármunum væri betur varið í að ráða fólk í vinnu.

Jóhanna Sigurðardóttir segir að ef tillögur Framsóknarmanna um 20% niðurfellingu yrðu framkvæmdar þá færi Íbúðalánasjóður á hausinn. Hún segir mat Seðlabankans á tillögunum sýna að leið Framsóknar fæli í sér aðra kollsteypu.

Lilja Mósesdóttir, þingkona Vinstri grænna, hefur skorað á forsætisráðherra að skipa nefnd allra hagsmunaaðila til þess finna leiðir til þess að bæta úr því óréttlæti sem verðtryggingin hefur haftför með sér fyrir íslensk heimili.

Vigdís Hauksdóttir, þingkona Framsóknarflokksins, segir að í íslensku samfélagi hafi orðið siðrof í boð ríkisstjórnar Samfylkingarinnar og Vinstri grænna.Utandagksrárumræður um stöðu heimilanna fóru fram á Alþingi í dag.

Karlar einoka nánast öll eftirsóttustu embættin í borgarkerfinu. Konur kjörnar í lítt eftirsótt embætti. Einokun karla á þessum embættum mun vera umtöluð meðal kvenna í borgarstjórn, einkum úr Sjálfstæðisflokki.

Tímamót urðu í kosningum á Grænlandi í gær. Þriggja áratuga valdatíma jafnaðarmanna í Síumút flokki er lokið. Sigurvegari var Inúítaflokkurinn sem er lengst til vinstri í grænlenskum stjórnmálum.

Rúmlega níu af hverjum tíu vilja að ríkisstjórnin leggi mikla áherslu á að leysa vanda heimila og fyrirtækja.Fjórir af hverjum tíu vilja mikila áhersla á aðildarviðræður við ESB. Niðustöður könnunar Capacent Gallup leiða þetta í ljós.

Formlegar samningaviðræður hefjast á milli fulltrúa nýju bankanna og skilanefnda gömlu bankanna nú í vikunni. Viðræðurnar munu miða að því að ná samkomulagi um greiðslu til gömlu bankanna fyrir yfirteknar eignir og endurfjármögnun nýju bankanna.

Dalai Lama er nú í heimsókn hjá Alþing og fundar hann þar með Ástu Ragnheiði Jóhannesdóttur, forseta Alþingis, og utanríkismálanefnd þingsins. Fundaði með tveimur ráðherrum í dag.

Fyrir Alþingi liggur nú lagafrumvarp sem miðar að því að aukna möguleika almennings á gjafsókn óháð fjárhagsstöðu. Mælt var fyrir málinu á síðasta þingi, en þá náði það ekki fram að ganga.

Utanríkissmálanefnd Alþingis mun fjalla sameiginlega um þær tvær tillögur sem komnar eru fram um aðildarumsókn og „mögulega“ aðildarumsókn að Evrópusambandinu. Nefndin fundaði um tillögurnar í fyrsta sinn í morgun.

Svandís Svavarsdóttir, umhverfisráðherra, segir þau markmið um samdrátt á losun gróðurhúsalofttegunda til ársins 2020, sem ríkisstjórnin samþykkti á föstudag, í raun vera 25%. Hún segir markmiðin mögulega verða enn metnaðarfyllri.

Landlæknir vísar á bug orðrómi um fjölgun sjálfsvíga í kreppunni. Í skrám embættisins kemur einnig fram að innlögnum á geðdeildir hefur fækkað en ekki fjölgað og notkun geðlyfja hefur heldur ekki aukist.

Danska ríkisstjórnin fer gegn tilmælum Sameinuðuþjóðanna með því að senda 282 Íraka til hættulegra svæða í heimalandi sínu, segja stjórnmálamenn úr flokkahópi vinstri grænna í Norðurlandaráði, sem hafa skrifað dönsku ríkisstjórninni og mótmælt ákvörðuninni.

Deilt er á ferðir og kjör starfsmanna Lífeyrissjóðsins Stapa og sátu talsmenn sjóðsins fyrir svörum fundarmann á ársfundi fyrir helgi. Fyrirspyrjanda finnst svörin rýr.