Katrín Rut Bessadóttir
Leikritið um karlaklúbbinn KSÍ
Í leikstjórn Geirs Þorsteinssonar. Aðalhlutverk: Pálmi Jónsson
Karlaklúbburinn KSÍ hefur svosem aldrei verið til fyrirmyndar. Alls kyns mál hafa komið upp á yfirborðið sem hafa ekki verið sambandinu til framdráttar. Reynt hefur verið að breiða yfir og gera lítið úr alls konar hneykslanlegum málum sem skotið hafa upp kollinum. Knattspyrnusambandið hefur komið fram hin síðari ár á þann hátt að ekki verður lýst öðruvísi en sem summu þeirra lasta sem hér viðgengust í gróðærinu.
Dæmi:
Byggja átti nýja stúku á Laugardalsvöll. Það var gert. KSÍ bar ábyrgð á framkvæmdinni sem fór mörghundruð milljónum fram úr áætlun. Matador-karlinn, Eggert Magnússon, bar ábyrgðina á því að skattgreiðendur í Reykjavík fengu á sig auka 400 milljón króna reikning vegna framkvæmdanna. Sofandaháttur fulltrúa embættismannakerfisins í borginni og sömuleiðis þeirra Björns Inga Hrafnssonar og Dags B. Eggertssonar, svokallaðra varðmanna almannahagsmuna í bygginganefndinni, varð svo til þess að kóróna klúðrið. En í hverju fólust þessar framkvæmdir. Bættri aðstöðu fyrir almenning? Fengu fótboltaáhugamenn, sem borguðu oggulítið meira en gert var ráð fyrir, eitthvað fyrir peninginn? Tæpast.
Jú ef þeir voru svo heppnir að vera viðskiptafélagar Eggerts, fyrr og síðar, eða stórbokkar sem nýttu fé hlutahafa sinna til að kaupa sér sæti í heiðursstúkunni. Þar gátu Eggert og félagar veitt brennivín og bjór til þessara valinkunnnu manna, meðan starfsmenn þeirra í stúkunni kölluðu til lögreglu ef almennir áhorfendur, sem þó höfðu sjálfir greitt fyrir sín sæti, sáust með bjór. Þessi sama forréttinda- og félagastúka þeirra Eggerts - og hans þarna sem enginn man hvað heitir sem blakti lengi með honum og er nú aðal - fór auðvitað langt fram úr áætlunum.
Svo þurfti auðvitað að nota stóran hluta almannafjárins í að útbúa almennilega skrifstofu fyrir KSÍ.
Eggert og fylgihnötturinn létu þetta þó ekki á sig fá. Rifu bara kjaft og töluðu um pólítískt moldviðri. Allur peningurinn hefði þó farið í bygginguna!?! Eins og við mættum þakka Guði og góðum vættum fyrir að þessi næstum hálfi milljarður aukalega hafi ekki ratað í teinótta vasa þeirra sjálfra.
Sama attitúd var svo í gangi þegar fjölmiðlar fóru að fjalla um þann einkennilega mun sem fælist í dagpeningagreiðslum karla og kvennalandsliðanna. En á endanum lúffuðu þeir.
Sú skýring að eðlilegt sé að karlafótboltinn fái meiri pening vegna þess að hann fái meiri athygli er fáránleg. Af hverju skyldi karlafótboltinn nú fá meiri athygli - jú vegna þess að það hefur verið mokað undir hann svo áratugum skiptir meðan konur hafa þurft að berjast fyrir því að mega spila fótbolta.
Nú er enn eitt furðumálið komið upp á borðið. Fjármálastjóri KSÍ, sem af fréttum að dæma var sendur út til Sviss á vegum sambandsins fyrir nokkrum árum, varð fórnarlamb ljótra kalla. Aumingja fjármálastjórinn sem hafði ætlað sér að eiga huggulega stund í faðmi þriggja rússneskra stúlkna á svona líka fínum „skemmtistað“, var rændur. Eða reyndar ekki hann sjálfur. Peningarnir sem ljótu kallarnir stálu voru teknir af korti KSÍ. Eða svona ætlar KSÍ að leikstýra þessu nokkurra ára leikriti ofan í skattgreiðendur. Reyndar virðist sem ljótu kallarnir hafi nú borgað eina og hálfa milljón til baka til fjármálastjórans, á gengi ársins 2005. Hins vegar voru ljótu kallarnir ekki betri en það að þeir ætluðust til að fjármálastjórinn greiddi tvær milljónir sjálfur. Ljótur dómstóll í Sviss komst svo að þeirri niðurstöðu að fjármálastjórinn bæri ábyrgð á kortaflippinu sjálfur. Og hann sem drekkur ekki einu sinni kampavín. Vonandi að hann hafi nú ekki þurft að neyða ofan í sig kampavín fyrir allan þennan pening.
Það má heita fádæma ósvífni við skattgreiðendur þessa lands og enn ein aðförin að heilbrigðri skynsemi að fara yfir það á hvaða stigi Matador-karlarnir í KSÍ eru þegar kemur að siðferði. Hjá núverandi formanni sambandsins er málið allt ein óskapleg sorgarsaga. Fórnarlambið, auminginn fjármálastjórinn, var þannig misnotaður hrottalega umrætt kvöld. Hann sem drekkur ekki einu sinni kampavín. Ljótir fjölmiðlar á Íslandi og særandi feministar hafi ekki skilið að fjármálastjóragreyið er búinn að borga til baka. Formanninum finnst þetta sorglegt og snýtir sér nú í smáfánasafn sambandsins. Ætli konurnar sem vinna hérna séu eins sorgmæddar yfir raunum fjármálastjórans? Nei - ætli raunasaga þeirra sé ekki raunverulegri og sorglegri en leikritið í leikstjórn formannsins.
Er það þá þannig að sú staðreynd að í ferð á vegum Knattspyrnusambandsins hafi fjármálastjórinn óumdeilt farið með kort sambandsins á strippstað, sé algjört aukaatriði. Er það innan reglna KSÍ? Er líka í lagi að prókúruhafar þess noti peninga sambandsins, svo lengi sem þeir passa sig bara á því að borga það til baka? Hvað myndu lögfræðingar segja um málið með tilliti til fjársvika, er í lagi að stela ef þú borgar það til baka, seinna. Og drekkur ekki kampavín?
Er þetta kannski alvanalegt þegar KSÍ-kapparnir ferðast um heiminn?
Nei líklegast ekki, þeir drekka ekki kampavín.
Það er í raun vandséð að framferði fjármálastjórans brjóti ekki í bága við þessa klausu í jafnréttisáætlun KSÍ: „Að iðkendur, starfsmenn, stjórnarmenn og aðrir þeir sem hafa hlutverki að gegna innan KSÍ hafi ekki uppi orð eða hafnir sem líta má á sem kynja- eða kynþáttamisrétti gagnvart öðrum, hvort sem um ræðir einstaklinga eða hópa innan eða utan Íslands.“
Skemmst er að minnast þegar KSÍ neitaði að taka þátt í baráttunni við mansal og vændi á heimsmeistarakeppninni í knattspyrnu 2006. Ástæðan; þeir vildu ekki blanda þessu tvennu saman vændi og fótbolta. Nú er ekki annað að sjá en maður innan þeirra raða sé búinn að gera akkúrat það.
Aðildarfélög KSÍ eru 152. Þau starfrækja öll eða nánast öll starfsemi fyrir krakka. Í lögum sambandsins er kveðið á um að þau komi fram fyrir hönd íslenskrar knattspyrnu erlendis. Líka strippbúllum, jafnvel þó þeir drekki ekki kampavín? Samtökin segjast líka standa vörð um uppeldislegt gildi knattspyrnu og heiðarlegan leik. Hvernig? Með því að drekka ekki kampavín? Ekki nema barhopp fjármálastjórans með rússnesku stelpunum hafi haft uppeldislegt gildi?
KSÍ er að stærstum hluta fjármagnað af alþjóðaknattaspyrnusambandinu og því evrópska. Hins vegar hefur sambandið ekki hikað við að leita í vasa skattgreiðenda þegar það hefur talið sig þurfa á því að halda. Til dæmis þegar byggja þurfti yfir þá og vini þeirra í heiðursstúkunni. Eins hafa KSÍ-menn krafist þess að fá aukna hlutdeild í sjóðum Íþróttasambands Íslands og í gegnum Lottó-gróða sambandsins.
Og allt þrátt fyrir að þeir drekki ekki kampavín.
Athugasemdir (76)
-
Stefán Pálsson skrifar:
Fín grein.
Eitthvað hlýtur samt að hafa skolast til í sögunni um kvennalandsliðið sem á að hafa farið með Norrænu í keppnisferð árið 1988. Hér má sjá lista yfir kvennalandsleiki: http://www.ksi.is/mot/leikir-felaga/?felag=136924&vollur=%25&flokkur=112&kyn=0&dFra-dd=01&dFra-mm=01&dFra-yy=1980&dTil-dd=30&dTil-mm=12&dTil-yy=2009 - Þar sést að Ísland lék engan landsleik árið 1988.
Frá 1981-93 fór liðið fimm sinnum út fyrir landsteina og lausleg athugun á heimildum bendir ekki til að farið hafi verið sjóleiðina í neitt þeirra skipta. -
Katrín Rut Bessadóttir skrifar:
Það er rétt Stefán, skoðaði þetta nánar og um var að ræða unglingalandslið, heimildirnar voru óljósar þannig að ég tók þetta út til þess að valda engum misskilningi. Takk fyrir þetta.
-
SigG skrifar:
Undarlega við KSÍ er að þeir eiga svo mikið af peningum að svona mál geta auðveldlega týnst í bókhaldinu. Eitt hef ég aldrei skilið afhverju KSÍ fær hluta af LOTTO tekjum? Aðrar íþróttahreyfingar eiga varla fyrir launum og eru þær með mikið forvarnarstarf en hjá KSÍ gengur þetta allt út á skemmtun sinna manna og utanlandsferðir.
-
Alma Jenný Guðmundsdóttir skrifar:
Guðbjörn Guðbjörnsson, frambjóðandi Sjálfstæðisflokksins og bloggari á Eyjunni skrifar um þetta pistil á Eyjunni. Bendlar málið við VG og er með sveittar og andstuttar lýsingar yfir ferðum sínum á nektarbúllur.
Ég bendi ykkur á að lesa þá skelfilegu lesningu ,,frambjóðandans" -
Ari skrifar:
Skiptir engu máli lengur að maðurinn var fundinn saklaus? Þ.e. að komið hefur í ljós að 4 menn hafa viðurkennt sekt sína að hafa misnotað kortið og þeir boðist til að endurgreiða upphæðina, skv. fréttum, t.d. á MBL og RÚV?
Er feminisminn orðinn þannig í dag að ekki einu sinni eru menn orðnir sekir áður en sekt er sönnuð... heldur líka þó að þeir séu sýknaðir? Áhugavert og skemmtilega málefnalegt -
Andrés Ingi skrifar:
Ari, maðurinn var ekki fundinn saklaus. Hann höfðaði mál, sem hann tapaði. Það er andstæða þess að vera fundinn saklaus.
Rekstrarstjóri Moulin Rouge var reyndar dæmdur í fangelsi, en fyrir ótengd brot sem komst upp um við rannsóknina. -
Einn 19 ára skrifar:
Úff hvað fylgið á eftir að falla hjá VG og Samfylkingu. Fótboltamenn munu örugglega færa sig yfir á hægri vænginn eftir þessa atlögu feminisku ríkistjórnarinnar VG og Samfó.
-
olaf skrifar:
Ari, maðurinn hlýtur að hafa notað kort KSÍ á strípistaðnum finnst það var dregið af því þar. Það getur ekki verið ásættanleg hegðun, fyrir utan að hann var fundinn sekur eins og Andrés Ingi bendir á.
-
Ibba Sig. skrifar:
Ari, til að hægt væri að strauja KSÍ kortið á þessum stað varð maðurinn a.m.k. að taka það upp og nota. Kannski hefur hann bara keypt eina pepsí og kannski eitthvað meira. En hann var með kortið og notaði það.
-
Ómar skrifar:
"Reyndar virðist sem ljótu kallarnir hafi nú borgað eina og hálfa milljón til baka til fjármálastjórans"
Hvar kemur það fram ? Kemur það fram í umfjöllun svissneska fjölmiðilsins af málinu að svo hafi verið ? -
Guðmundur skrifar:
Ég skora á alla sem hafa orðið fyrir adróttunum í þessu máli að kæra. Það er kannski það sem þessi aðilar vilja.
Femínistar opinbera sig svo algjörlega hérna, að fólk hlýtur að sjá endanlega í gegnum hvernig þetta lið hugsar. Jafnréttissinnar, ha ha.
Maður á e-m tímapunkti keypti þessa hugmyndafræði, en það er alltaf að koma meira og meira í ljós, að þetta eru öfgasamtök. -
Ungur gæðingur skrifar:
Sammála þér í meginatriðum Guðmundur. Á Íslandi er feminiskasta ríkisstjórn sem til er í veröldinni. Ég er ekki að fíla þetta.
-
Ari skrifar:
Menn hafa athugasemdir varðandi þær fréttir sem ég vísaði til, þá er eflast best að hvetja fólk um að lesa um þessi mál sjálft.
http://www.mbl.is/mm/frettir/innlent/2009/11/09/oskar_skyringa_fra_ksi/
Neðst í þessari frétt er hægt að sjá hver staðan á þessu kortamáli er, sem sagt þessir menn hafa þegar sagst vera sekir að hafa misnotað kortið.
Misnotkun getur verið ýmisskonar, hann misst kortið í bíó og menn hrifsað það og farið á næstu strípibúllu... en slúðursamfélagið hér vill náttúrulega ekkert að maðurinn sé mögulega saklaus! Ekki alveg nógu krassandi... dæma fyrst krossfesta svo... ef hann er svo saklaus, djö só bí it
Þekki þennan mann ekki neitt og enginn hvati til að verja hann, en leiðinlegt að sjá að umræðan skuli ekki komast á hærra stig -
Kristín Sig. skrifar:
Held að það sé búið að viðurkenna fyrir löngu að hann hafi verið staddur þarna á þessum stað svo hann getur ekki hafa misst kortið í bíó, það er nokkuð ljóst.
Ef ungu mennirnir í þessu landi eins og ungur gæðingur og einn 19 ára telja að strípistaðir og það að stunda þá séu sjálfsögð mannréttindi þá finnst mér illa komið fyrir þeim.
Svo er þetta spurning um siðferði og prinsipp, ekki hvort hann hafi verið að era eitthvað glæpsamlegt, nema auðvitað nota almannafé á strípistað. -
Ungur gæðingur skrifar:
@Kristín Sig.
Það er ekker bara við ungu menninrnir á Íslandi sem lítum á þessa staði sem entertainment heldur eru þeir viðurkenndir um alla Evrópu. Og þar búa hundruðir milljóna. Þetta er viðurkennt allstaðar í heiminum nema hjá Vinstri grænum og Samfylkingu. -
? skrifar:
Hvernig væri að menn myndu skilja hugtakið femínismi áður en að þeir fara að nota það?
-
Kristín Sig. skrifar:
Það er líka viðurkennt að konur sem "vinna" á þessum stöðum gera það vanalega gegn vilja sínum. En á meðan það eru til karlar eins og þú ungi gæðingur sem finnst þetta allt í lagi og stunda það að fara á þessa staði til ess að svala einhverjum fýsnum þá er erfitt að sporna við þessu.
-
Ása skrifar:
Takk fyrir frábærkega vel skrifaða grein!
-
hh skrifar:
Þetta er ekkert annað en galdrabrenna. Gróa á leiti í sinni verstu mynd nema að nú komur þetta lið fram undir nafni. Maðurinn borgaði KSÍ. Katrín Rut þú ættir að skammast þín fyrir að leggjast svona lágt.
-
Jóhann Marel skrifar:
Virkilega áhugaverð grein Kata og það vonandi að þessir snillingar þarna hjá KSÍ sjái að sér og segi af sér!! Sá það í fréttunum í dag að Katrín Jakobsdóttir er komin í málið og finnst mér það bara hið besta mál.
Annað og það með dagpeningana hjá karla og kvennaliðunum. Er ekki hugynd að árangurstengja þessar greiðslur og þá fer kannski karlaliðið að leggja sig eitthvað fram?
Bara spyr sko.. -
Kristrún Heimisdóttir skrifar:
Af þvi að Stefán Pálsson sem skrifaði fyrstu athugasemdina er orðinn knattspyrnusagnfræðingur með ritun sögu Fram, langar mig til að upplýsa hann um kvennalandsliðið sem fór með Norrænu í keppnisferð í sparnaðarskyni. Ég var nefnilega í því. Ferðamátinn var algjört einsdæmi á þessum árum hjá KSÍ. Þetta var í fyrsta skipti sem stúlknalandslið hafði verið valið og til hafði staðið að taka þátt í Evrópukeppni. KSÍ féll frá því af peningaástæðum og í staðinn var farin keppnisferð á Dana Cup í Danmörku og tveir leikir teknir við Færeyinga í heimleiðinni. Til stóð að Færeyjaleikirnir fengju formlega skráningu sem landsleikir en úr því varð ekki, sem okkur fannst sérlega fúlt. Við unnum alla leiki í ferðinni. Einu sinni áður hafði verið kallað saman U-19 "landslið" til að keppa við bandarískt lið sem hingað kom, það hefur sennilega verið 1983 og ég tók líka þátt í þeim leik en einhverjir muna það e.t.v. betur - ég hef verið nýorðin 12 ára þá. En semsagt - ekkert rangt við söguna um kvennalandslið í Norrænu.
-
Guðmundur skrifar:
Kristín Sig,
Þetta þurfa ekkert að vera sorabúllur, og það er oft vel hugsað um starfsfólkið, og það fær mjög góð laun. Auðvitað eru líklega ólöglegir starfsmenn inn á milli, en í hvaða atvinnugrein er það ekki?!
Fullorðið fólk í frjálsu samfélagi tekur ákvarðanir sínar sjálft. Síðan getum við verið á móti þeim, eða ekki.
Af hverju ertu vísvitandi að gefa þér að allir sem hafa sótt svona staði séu ógeð?!
Af hverju gefur þú þér það að allt sem þarna fer fram, sé gert á forsendum mansals?? Ert þetta ekki bara mýta sem þú vilt búa til, svo þú getir afvegaleidd fólk, og logið að því, til að það séu sammála þér?!!
.......ER ÞAÐ FRELSI???!!!
-
Ómar skrifar:
málið með þessar skýringar KSÍ sem vísað er til hér að ofan á mbl. linknum er, að þær eru í algjörri mótsögn við það sem birtist í sviss miðlinum 20min.
http://www.20min.ch/news/zuerich/story/30764833
KSÍ er þá segja að umfjöllnin á 20.min sé bara skáldskapur nánast, t td. að að umræddur hafa ekki verið á ferð með þeim evu lóru og karmen. -
Guðmundur skrifar:
Ómar,
Það skiptir engu máli hvort þeir voru þarna eða ekki. Það sem skiptir máli er hvort þeir notuðu kortin á þessum stöðum óhóflega.
Þessi málfluntingur er það eina sem er viðbjóðslegt í þessu máli. Þið ættuð að skammast ykkar.
Ég persónulega hef varla séð vinstri menn í stjórn þessa lands, en miðað þetta, þá er maður meira farinn að skilja söguna. Þvílíki ómenni!!! -
Pétur skrifar:
Guðmundur: Þú ert alveg með þetta. Það að láta selja sig nauðugan er FRELSI.
Það sorglega er að þú veist ekkert um hvað þú ert að tala og veifar bara almennum frösum eins og „frelsi“ og „fullorðið fólk í frjálsu samfélagi“ sem eiga því miður í fæstum tilfellum við þegar nektardansstaðir og vændi eru annars vegar. Allar rannsóknir benda til þess að þú hafir rangt fyrir þér, en þér er alveg sama, því þú ert búinn að ákveða að þetta séu bara hressar hórur að gera það sem þeim finnst gaman, og þeir sem séu andvígir því séu vondir „femínistar“.
Sama sagan með „unga gæðinginn“ sem heldur að vændi og nektardans sé viðurkennd iðja allstaðar nema innan tveggja stjórnmálaflokka á Íslandi. Hann telur semsagt að ef eitthvað sé ástundað nógu víða jafngildi það viðurkenningu. Svona eins og heróínneysla og heimilisofbeldi, svo eitthvað sé nefnt, er „viðurkennt“ vegna mikillar ástundunar ákveðinna hópa, ekki satt? -
Guðmundur skrifar:
Pétur,
Það hefur aldrei verið gerð ein hlutlæg skýrsla um þessi mál á Íslandi. Aldrei verið sannað vændi eða mansal á þessum nektarstöðum. Persónulega hélt ég að það væri formsatriði, allavega 1-2 tilvik. Þú gætir alveg eins sagt að það ætti að banna Hverfisgötu, vegna þess að þar þrífst vændi og mansal!!! Svo marga skemmtistaði þar og so videre!!! Þú vilt að væntanlega, ég geri bara ráð fyrir því!
Þær "rannsóknir" sem gerðar eru á þessum málum t.d. hérna eru engan veginn hlutlausar. Þetta eru fyrst og fremst femínstar, sem er ekki treystandi að standa fræðilega að hlutunum.
Það hefur t.d. ekki komið eitt einasta tilfelli af mansali vegna nextarstaðar í Reykjavík(tek það fram að ég er engin talsmaður), (finnst bara gaman að kveða í kútinn;-).
Hvernig í ósköpunum geturðu borið saman heróínneyslu og heimilisofbeldi, við nekt??!!!
Er ekki í lagi heima hjá þér??!! -
María skrifar:
Þeir sem hér fyrir ofan ræða um strippstaði og frelsi í sömu andrá, mættu kynna sér raunverulegar staðreyndir málsins. Því þessi tvö orð eru í hreinni andstöðu við hvort annað og þarf ekki nema t.d. 10 mín rannsókn til að komast að því.
Það er alltaf mjög auðvelt að úthúða feminismanum eða feministum þegar þeir benda á eitthvað, en staðreyndin er sú, að það er staðfest að maðurinn, FJÁRMÁLASTJÓRI KSÍ, var á þessum strípistað sveiflandi korti KSÍ.
Í því einu felst svo margt rangt, eins og Katrín bendir á, t.d. hvað varðar prókúruhafann, sömuleiðis að þetta er maður sem er í efstu röðum Knattspyrnusambandsins, á að heita fyrirmynd dætra okkar sem stunda fótbolta og aðrar íþróttir. Þetta fer bara ekki saman. -
Hrólfur skrifar:
Flott grein hjá þér.
Þeir sem mótmæla feminismanum harðast eru þeir sem eru hræddir. Það er ömurlegt að fylgjast með mönnum sem sjálfir eiga oft systur og dætur berjast óttaslegnir gegn því að konur verði metnar til jafns við þá. Þeir óttast augljóslega að verða sjálfir undir í samkeppninni ef þeir missa forskotið.
Hugsið um það, and-femínistar, ef þið væruð fátækir menn í Úkraínu og dætur ykkar væru neyddar til að dansa á klámbúllum í Zurich til að sjá fyrir sér.
Fynndist ykkur það ókei? -
Ómar skrifar:
Guðmundur, ég veit nú ekert hvað þú ert að fara þarna í svari.
Hvaða "þeir" ?
Ertu að segja að fleiri frá KSÍ hafi verið á rússinu þarna ?
Það sem eg var að benda var einfaldlega að samkv. skýringum KSÍ, þá er fréttin á 20.min bara skáldskapur.
Þar kemur ekkert fram að einhver brot eða stuldur hafi átt sér stað á korti, heldur hafi upphæðinni einfaldlega verið eytt af hinum "rausnalega FIFA manni" eins og þeir orða það.
Eða ég get ekki sklið annað á fréttinni. Þar er td. ekkert talað um að staðurinn hafi endurgreitt eitthvað.
Hvaða menn endurgreiddu umræddum manni eiginlega eins og skýringar KSÍ segja ?
Þetta er rétt hjá Katrínu Ráðherra. KSÍ verður að skýra málsatvik miklu betur ef ekki á að finnast efnisatvik dáldið skrítin. (vægast sagt)
-
Kristín Tómasdóttir skrifar:
Góð Kata!
-
Sigurður Ólafsson skrifar:
Flott grein, Katrín.
Gleymum því heldur ekki að bæði KSÍ og alþjóðaknattspyrnuforystan harðneituðu að ,,blanda saman" pólitík og knattspyrnu þegar kom að baráttunni gegn mansali árið 2006. Hins vegar voru þeir meira en til í að blása til herferðar gegn kynþáttafordómum í tengslum við HM 2006 og þar var KSÍ ekki undanskilið. Sem var auðvitað gott, út af fyrir sig.
En hræsnin var auðvitað algjör: það mátti berjast gegn kynþáttahatri en ekki mansali og kynjamisrétti. Kannski hið síðarnefnda hafi staðið mönnum aðeins of nærri, ætli það sé kannski að koma í ljós?
Það er komið að menntamálaráðherra að minna KSÍ rækilega á að það er ríkisrekið æskulýðs- og íþróttasamband, ekki einhver einkaflippklúbbur karla sem geta svarað með skætingi þegar að fulltrúar skattborgara vilja vita af hverju þeir einir eiga að vera undanþegnir almennum reglum um virðingu fyrir báðum kynjum. Ef þeir treysta sér ekki til að starfa eftir þeim, þá verður bara að fá nýtt fólk inn. -
Elín Óladóttir skrifar:
Frábær grein
-
Guðmundur skrifar:
Jæja,
Ég er engin sérfræðingur í að skrifa á svona síðru. En ég er ekki frá því að það sé vísir að klappliði hér fyrir ofan. Tek það fram að ég er ekki tengdur neinum "öflum".
María,
Þú talar um frelsi? Mikið af þessum stelpum(þó ekki allar), eru með mjög góðar tekjur af þessu, og er þetta oft leið úr fátækt og jafnvel enn verri hlutum. Samt er auðvitað engin trygging fyrir því að allt fari í rugl. Hitt sem þú nefnir er rógur.
Hrólfur,
Ja, ég persónulega get ekki séð neitt forskot. Síðan er nú félagsleg staða skilgreind eftir fleiru en kyni(þú hefur væntanlega ekki hugsað út í það,...geri ég ráð fyrir;-). Reyndar er ég farin að treysta á þessi nýju jafnréttislög um jafna stöðu kynja hjá ríkinu, þar sem konur eru án aðgerða orðnar ansi fjölmennar þar :-)
Ég hugsa allavega að ef e-r sem ég þekkti væri á annað borð í þessum bransa, myndi ég frekar vilja að hann væri að vinna í Zurich, en Kænugarði!!
Ómar,
Þú virðist bara beint vera í róginum.
Kristín,
já, og þú tekur undir róginn.
-
Sætur Hundur skrifar:
Rangt hjá þér pétur minn. Nektarstaðir eru viðurkenndir samkvæmt lögum allra landa Evrópu. Þannig að siðferðilega og LAGALEGA eru þeir viðurkenndir um allan hinn vestræna heim. Nema hjá Vinstri grænum og Samfylkingu.
Enda er öruggt að Vinstri grænir og Samfylking munu banna nektarstaði með öllu. Enda liggur nú þegar frumvarp fyrir slíku hjá þessari feministaríkisstjórn.
Hvað minn skilning varðar mætti spyrja hvort það sé hið eðlilegasta mál hjá VG og Samfylkingu að stunda siðferðistiltekt á þegnum sínum?
Siðferðisskilningur og lagalegur hugmyndir hvað varðar nektarstaði er greinilega allt annar hjá öllum löndum hins vestræna heims heldur en hjá VG og Samfylkingu. -
Guðmundur skrifar:
Jæja,
Ég er engin sérfræðingur í að skrifa á svona síðru. En ég er ekki frá því að það sé vísir að klappliði hér fyrir ofan. Tek það fram að ég er ekki tengdur neinum "öflum".
María,
Þú talar um frelsi? Mikið af þessum stelpum(þó ekki allar), eru með mjög góðar tekjur af þessu, og er þetta oft leið úr fátækt og jafnvel enn verri hlutum. Samt er auðvitað engin trygging fyrir því að allt fari í rugl. Hitt sem þú nefnir er rógur.
Hrólfur,
Ja, ég persónulega get ekki séð neitt forskot. Síðan er nú félagsleg staða skilgreind eftir fleiru en kyni(þú hefur væntanlega ekki hugsað út í það,...geri ég ráð fyrir;-). Reyndar er ég farin að treysta á þessi nýju jafnréttislög um jafna stöðu kynja hjá ríkinu, þar sem konur eru án aðgerða orðnar ansi fjölmennar þar :-)
Ég hugsa allavega að ef e-r sem ég þekkti væri á annað borð í þessum bransa, myndi ég frekar vilja að hann væri að vinna í Zurich, en Kænugarði!!
Ómar,
Þú virðist bara beint vera í róginum.
Kristín,
já, og þú tekur undir róginn.
-
Guðmundur skrifar:
Nú eruð þið endanlega búin að pissa í skóinn. Það er svo rosalega búinn að hvítþvo hann, að nú munu menn flykkjast á svona staði ;-) Þið eruð frábær.
Til hamingju!! -
Guðmundur skrifar:
Ég var að fatta eitt fyrir algjöra tilvijun á meðan ég skrifaði færsluna númer 36....................JÁ SÆLL....say no more.
Mér fannst þetta líka skrýtin efnistök....;-)
Þetta er fyndið!! -
Fimmta valdið skrifar:
Snilldar grein. Góð greining á fyrirbærinu KSÍ, yfirgangs- og dólgslátum forystumannanna og nýjasta kjánastrikinu úr þeirri áttinni.
-
Lara skrifar:
Guð hvað margir eru barnalegir hér að vera að vesenast með Vinstri græna og Samfó.
Málið snýst um þetta:
Fjármálastjóri KSÍ má rúnka sér á almannafæri mín vegna ef honum svo sýnist, en um leið og hann tekur upp kort KSÍ sem fjármálstjóri og fulltrúi æskulíðsstarfsemi á Íslandsi á klámbúllum erlendis þá er hann ábyrgður fyrir jobbinu sínu og mannorði. Ekkert flóknara.
-
Guðmdunur skrifar:
Lara,
Þú verður nú að vanda þig betur með stafsetninguna.
Þetta fyrsta sem þú nefndir er nú bara ólöglegt vinan, en Svissdæmið er það ekki, og hann var rændur, mundu það.
Þín skoðun er svo dæmigerð, og augljóst að hvernig siðferðisskoðanir byggjast upp hjá sumum á íslandi. Böðlarnir þ.e. rógberarnir koma með fórnarlömbin, og hinir veiku fá útrás.
Mér þætti gaman að fá lista yfir það fólk sem hefur sökum ölvunnar, eða annars, gert eitthvað sem mér finnst siðferðilega rangt....ja, ég er hræddur um að það yrði ansi langur listi ;-)..........................og ansi langur hjá langflestum landsmönnum.
-
Guðmdunur skrifar:
Fór að pæla í þessu með ránið. Allt í lagi gefum okkur að hann hafi ekki átt að vera þarna, en ótrúlegt að heyra mannvonskuna í fólki, gjörsamlega gera það að algjöru aukaatriði, nánast það hlakki í fólki, eins og þetta hafi bara verið góð refsing á hann!!!
Veit alveg fólk er þroskaheft á netinu, mest all hérna, þannig fólk kemur kannski verr út hér. Það breytir því ekki að fólk er dæmt að hluta til af skrifum sínum hér, og það er engin afsökun, að netið sé fjölmiðill, og þannig sé áróðustæki. -
Lara skrifar:
Guðmundur, og ég skal reyna að hafa réttritunina í lagi :-)
Hvernig veistu að hann var rændur? Varst þú kannski á svæðinu? Hverning eru menn/konur bara svona sí svona rændar kreditkortunum sínum á svona búllum?
Af því fólk er kannski út úr drukkið? Er það ekki?
Maðurinn hlítur að skilja að hann var á vegum Ísl. ríkisins þarna ytra ekki satt. Enn ekki hvers? Heldur hann kannski að hann sé á eigin vegum þegar hann dregur kort KSÍ upp úr rassgatinu á sér? -
Andrés Jónsson skrifar:
Mjög fín grein. Svona á að láta menn heyra það. Mjög hressilega skrifað.
Aðeins hérna þessu tengt.
Ég sat í stjórn ÍTR í eitt ár frá áramótum 2005. Ég var nú frekar spakur held ég. (enda junior fulltrúi í meirihluta ráðsins) en ég gerði þó nokkrum sinnum athugasemdir við það sem ég taldi vera illa meðferð á sjóðum borgarbúa.
1. skiptið var út af samningum við Nýsi um stækkun Egilshallar. Það bar þann árangur að samið var upp á nýtt og borgin fékk aðeins meira fyrir það sem hún lét af hendi. En þetta var lærdómsríkt um það hversu mikill munur er á aðstöðu opinbers aðila í samningaviðræðum við einkaaðila.
2. skiptið var út af framúrkeyrslu í framkvæmdum við íþróttahús Fram í Vatnsmýri. Það var sjokkerandi hvernig íþróttafélög í borginni komust upp með að kasta til höndunum í eftirliti með framkvæmdum og komust upp með að senda borginni reikninginn frá verktökunum. Þarna gat ég lítið gert nema að kalla eftir frekari upplýsingum og þusa. Borgarráð samþykkti á endanum að borga reikninginn.
3. skiptið var út af viðbyggingu við stúkuna á Laugardalsvelli. Þetta var töluvert löngu áður en málið komst í hámæli í fjölmiðlum. Ég varð afar reiður yfir því máli, en það var enginn vilji hjá meirihlutanum að gera neitt í því. Sjálfstæðisflokkurinn tók svo þátt í að gleypa þennan dónalega reikning frá Eggerti og Geir Þorsteinssyni með samþykkt í borgarráði nokkrum mánuðum síðar.
Og hver er lærdómurinn af þessari stuttu hagsmunagæslu minni fyrir borgarbúa?
A. Það er allt of langt á milli pólitískrar ábyrgðar kjörinna fulltrúa og ákvarðana um fjárútlát.
B. Stjórnmálamenn úr ólíkum flokkum gera stundum með sér bandalag um að breiða yfir pólitísk hneykslismál. Sérstaklega þegar það eru mál sem geta skaðað alla flokka.
C. Hægt er að sóa milljörðum króna af opinberu fé án þess að nokkur beri ábyrgð eða þurfi að taka pokann sinn.
D. Tíðar smalanir úr íþróttafélögum í prófkjör gerir borgarfulltrúum ómögulegt að taka með eðlilegum hætti á málefnum þeirra í stofnunum borgarinnar. Þar skiptir meira máli að eiga inni smölun hjá forkólfunum, en að launa þeim hjálpina í síðasta prófkjöri. -
Guðmdunur skrifar:
Lara,
Þannig að það er í lagi að ræna menn með kreditkorti sínu ef þeir eru undir áhrifum áfengis.
Þetta er svona svipað og að segja að það sé konu að kenna, ef henni er nauðgað, þ.e. hún bauð upp á þetta, með drykkju, klæðnaði o.fl.
Ég hélt að samfélagið væri orðið þroskaðra en þetta, en svo er greinilega ekki!!
Það er svo létt að plata fólk, að það er eiginlega súrrealískt;-)
Andrés,
Þú þarft ekkert að segja að þetta sé góð grein bara til að vinna þér inn stig;-)
Ágætir punktar þarna, en koma þessu efni hérna lítið við....Jú, nema kannski að við ættum frekar að einbeita okkur að svona málum, heldur en að breiða yfir getuleysi stjórnmálamanna, með svona drullumálum!!!
-
Kolbrún skrifar:
Fín grein hjá þér Katrín!
Eftir lestur kommentanna hér að ofan, tel ég brýna þörf á að rannsaka hvort verið geti að fólk sem er til hægri í stjórnmálum sé siðblindara en meðaljóninn. Er allt í lagi að selja allt, líka konur. Orð Ragnheiðar Elínar um elstu atvinnugrein kvenna verða lengi í minnum höfð. Hristi heimildarmyndin "Lilja for evigt" ekki upp í einum einasta Sjálfstæðismanni?
Það má þekkja Sjálfstæðismennina úr á kommentunum að ofan! -
Höskuldur skrifar:
Góð grein Katrín: En til hinna sem gripið hafa til "varna":
Þegar þú ert í "opinberri" ferð (KSÍ er reyndar ekki á vegum ríkisins heldur sjálfstæð samtök, þó þeir njóti þaðan styrkja) þá bara gerir maður ekki ákveðna hluti. Ég t.d. skil ekki útskýringar Geirs í Kastljósinu á því að þetta sé bara í lagi af því að maðurinn drepst líklegast fram á borðið á umræddri búllu... Hvað er það?
Þið drengir og minna þroskaðir menn sem að verjið hann af kappi, ég bara spyr, finnst ykkur ekkert athugavert við þetta?
Og væri þá bara í lagi ef að sami fulltrúi t.d væri bara útúr stónd í Amsterdam af því að þar er það löglegt?
Eða segðu að hann hefði nú fengið sér eina vændiskonu í sömu borg?
Væri í lagi ef að alþingismaður hefði verið tekinn við sömu iðju?
Nú, alþingismenn eru auðvitað kjörnir fulltrúar, ég segi það ekki, en hefði verið í góðu ef að kort Fjármálaráðuneytisins hefði verið straujað á strípibúllu þegar Indriði var í Amsterdam að semja um IceSave?
Getum við ekki gert einhverjar lágmarks siðferðiskröfur á þá sem eru í forsvari og framvarðasveit æskulýðsstarfs á Íslandi, allavega þegar þeir ferðast á dagpeningum á vegum lands og þjóðar? Burtséð hvað menn gera síðan í sínum frítíma?
Ef þetta er bara sjálfsögð hegðun, þá fer ég að skilja þessa meintu aukningu hjá Stígamótum...
Já og þá er ég nánast lesblindur þannig að ég hafna öllum aðdróttunum um að þetta komment sé minna virði vegna stafsettningar og málfars. -
Guðmundur skrifar:
Kolbrún,
Alveg magnað að lesa þetta, og hjá sumum. ENGIN SVÖR. Engin....það er bara ekkert flóknara. Alltaf er þetta svona.
Af hverju segirðu að ég sjálfstæðismaður. Persónulega finnst mér þú vera að skjóta hátt yfir markið.
Umræðan fer alltaf yfir svo breiðan völl, og þú byrjar að tala um þessa mynd, þar sem barni var rænt til að stunda vændi!! Ert að reyna blanda því inn í umræðu þar sem drukkinn maður er rændur á strippbúllu. Er ekki í lagi?!
Þú virðist ekki átta þig á því að að siðferði getur verið slæmt, burtséð frá því hvort menn borgi konum peninga til að afklæða sig. Hefur það aldrei hvarflað að þér að almennt stunda menn þessi viðskipti við viðurkennda klúbba sem eru oftast undir ströngu eftirliti.
..................hitt gerist á bak við tjöldin, þar sem engin sér, en ykkur skítsama um það greinilega!!!!
Þetta er sýndarmennsku pólitík á háu stigi, og ykkur til skammar
-
Margrét skrifar:
Guðmundur er frábær.
Vil að hann skrifi grein á Smuguna um málefni nafna síns í Byrginu.
Bíddu Guðmundur.......essasú???????????? -
Kolbrún skrifar:
Guðmundur: ......"Ég persónulega hef varla séð vinstri menn í stjórn þessa lands, en miðað þetta, þá er maður meira farinn að skilja söguna. Þvílíki ómenni!!!"
Er ég að skjóta hátt yfir mark með því að kenna þig við hægri stjórnmál???
Já það er satt hjá þér, umræðan er komin langt frá upphafspunkti, ég ætlaði að tala um fyrirmyndir ungs fólks í íþróttum en blöskruðu svo kommentin að mér datt í hug að það þyrfti virkilega að gera úttekt á siðferði Sjálfstæðismanna. Veistu nema það séu börn starfandi á svissneskum strípibúllum, plötuð til Vesturlanda með gylliboðum?
Nei mér finnst það ekki í lagi og engum á að þykja það í lagi.
Staðhæfinguna sem byrjar á: "Þú virðist ekki....." skil ég ekki og get því ekki svarað. Næsta spurning á eftir svarar sér sjálf!!!
Ég skammast mín ekki fyrir mínar skoðanir í þessum efnum en ég legg til að þú fáir þér hauspoka úr sterku efni.
-
Stefán Pálsson skrifar:
Þakka Kristrúnu ábendinguna hér að ofan. En úr því að hún er búin að útnefna mig sem knattspyrnusagnfræðing, þá verður maður víst að verja hendur sínar...
Ég hafði ekki hugmynd um þessa forsögu unglingalandsliðsins, enda rekur vefur KSÍ upphaf yngri landsliða kvenna til ársins 1990.
Einföld leit í gömlum blöðum leiddi hins vegar það sanna í ljós. Þetta var reyndar ekki Evrópumót heldur Norðurlandamót sem taka átti þátt í sumarið 1988. Hin opinbera skýring KSÍ var reyndar sú að gleymst hefði að skrá liðið til leiks fyrir handvömm - en það getur svo sem verið fyrirsláttur og líklega hefur gjaldkerinn grátið krókódílatárum yfir þessum "mistökum".
Sé hins vegar líka að andstæðingarnir í Færeyjum voru ekki stúlknalandsliðið heldur A-landslið Færeyja og blanda úr A-landsliðinu og yngra liði. Það gat því aldrei komið til greina að þetta yrði skráð sem opinber landsleikur.
Hitt er annað mál að þessir óopinberu landsleikir þyrftu líka að vera á skrá. Held að það sé Klara Bjartmarz sem sér um að skrá kvennaleikina inn á KSÍ-vefinn. Hvet Kristrúnu til að senda henni línu með ábendingum um þetta. (Ef ég drullast ekki til að gera það sjálfur...) -
Kristín Sig. skrifar:
Sko, guðmundur, jisús, ég veit ekki alveg hvað ég á að gera við þig. Það sem þú vilt ekki skilja að meðan það er hægt að tengja mansal og hræðilega hluti þar sem konur eru gerðar að þrælum við strípistaði þá eru þeir ekki réttlætanlegir.
Þetta er mórölsk dílemma. Frá mínum bæjardyrum séð er ekki eðlilegt að maður í þessari stöðu fari á svona stað hvort heldur sem hann eyðir peningum eða ekki. mér finnst auðvitað ekki lagi að nokkur fari á svona staði og viðhaldi eftirspurninni þar með.
-
Guðmundur skrifar:
Margrét,
Aftur spyr ég. Hvar eru svörin?! Engin svör, en dettur í rógburð. Það þyrfti að gefa þér nokkur svipuhögg greinilega,,,,ahhh þetta var frekar lame;-)
Þetta er bara nákvæmlega sama taktík, og fólk er að nota í þessu máli. Það er bara að ráðast á, og reyna henda sem mestum aur á fólk, með öllum tiltækum ráðum.
Kolbrún,
Jæja, hvar eru svörin? En þú dettur í rógburð.
Ja, ég held svei mér að þú skammist þín fyrir skoðanir þínar, miðað við viðbrögð þín, í síðustu tveimur málsgreinunum.
Er einhver farinn að sjá ákv. pattern hérna ;-)
-
Kolbrún skrifar:
Guðmundur; fékkst þú ekki þrjú ár? -
Guðmdunur skrifar:
Krístin,
Jæja, við skulum þá bara fara að banna allt mögulegt. Hvernig væri það? Eða er frelsið bara falt fyrir þá sem fylgja þér??!!
Er það ekki frekar mórölsk dilemna að skilja á milli raunverulegs mansals, og áhuga(vonandi einhleypra karla) að vilja standa í þessu. Þú talar um þetta athæfi eins og þetta sé eitthvað óeðli(hvað ertu eiginlega að fara!!!).
Þetta viðhaldi eftirspurninni. Það verður alltaf eftirspurn, ekki vera svona barnaleg.
Hefur þú nokkurn tímann ímyndað þér möguleikann á því að kona sé í þessum bransa án þess að að vera þvinguð. Bara velt því fyrir þér, þessum ótrúlega möguleika;-)
Af hverju getur fólk ekki dæmt um það sjálft, hvort það vilji fara á svona staði.
Einnig þó að eftirspurnin myndi minnka um 90% yrði alltaf eitthvað í gangi, og það yrði líklega miklu verra, þar sem úr minni pening yrði að spila fyrir þá sem stunda þetta.
Svo er líka fyndið hvað sumir eru desperat að búa til mál. Hér þar sem þessi, jú vissulega vandamál, eru í algjöru lágmarki, þá reyna menn að búa til einhverja bábilju, bara til að geta röflað, og ráðist á fólk.
Fatta þetta ekki!!! -
HG skrifar:
Frábær grein !
þetta var bara alls ekki hans einkamál að "lenda" inn á þessari búllu,og "sofna" og "lenda" í því að láta ræna sig.
. það sem stendur upp úr er að þessum manni er treyst fyrir að vera fjármálastjóri og sita í stjórn hjá einu stærsta íþróttasambandi á Íslandi sem skattgreiðendur borga þokkalega í ( + lottó peningarnir ).Svo borga IÐKENDURNIR líka smá í hítinna.
Það ömurlegasta af þessu öllu er að þessir menn ALLIR sem einn innan vébanda íþróttahreyfingarinnar eiga að vera svo miklar fyrirmyndir eða er KSÍ ekki innan ÍSÍ ?
Hvar eru öll fyrirheitin um sterku fyrirmyndirnar núna ?
Svo maður tali nú ekki um forvarnirnar !
Hvernig á ég að útskýra þetta fyrir dóttir minni sem æfir af kappi og vill fylgjast með umræðunni það sem hæst ber hverju sinni, t.d. þetta núna hjá Knattspyrnuhreyfingunni ?
Getið þið sagt mér það, herrar mínir þarna hjá KSÍ - ÍSÍ ???
Mér býður við þessu. -
Guðmundur skrifar:
Kolbrún,
Ég efa það ekki að þú sjáir glæpamenn úr öllum sem heita Guðmundur.
Samt gaman að sjá hvað fólk er málefnanlegt!!, eða þannig.
Fólk sem hefur verið í þessum "bransa" á kannski margt sárt um að binda, en ég held að allir sem fari í þetta viti innst inni að maður þarf að "vinna" fyrir laununum, þó að margir verði skemmdir án þess að koma nálægt þessum bransa........no pun intended ;-) Báðir hópar eiga alla mína samúð.
-
Kristín Sig. skrifar:
Guðmundur. Það er allt mögulegt bannað. Það er bannað að kaupa vændi. Það er bannað að beita ofbeldi. Það er bannað að nauðga.
Ég er ekki að segja að hver einasta kona sem nokkurn tímann hefur unnið fyrir sér með því að fara úr fötunum - sem er reyndar sjaldnast það eina - sé ófrjáls kona í höndum mansalsöfugugga heldur er það sannað að konur sem leiðast út í þennan bransa gera það oftast að neyð af einhverju tagi!
Og eins og HG segir hérna fyrir ofan - hvernig á hann að útskýra fyrir dóttur sinni sem er í fótbolta hverjir málavextir eru? það er bara svo margt rangt við þetta sem ég og fleiri erum búin að vera að reyna að segja þér en þú gleymir jafnóðum.
Mér finnst verst í alvöru að þér þyki þetta í lagi, mér finnst það alveg yfirmáta sorglegt. -
Lara skrifar:
HG,
einmitt er þetta ekki málið. þakka þér fyrir að koma með það sem skiptir máli og ekki leiðindalega kreddu þeirra hjá KSÍ. -
Kristín SIg skrifar:
Kristín Sig,
Þú væntalega líka telur það neyð þegar ungir menn feta glæpaveginn. Þegar fíkniefnaneytendur drepa mann og anna, og fremja rán. Þegar maður sem er í vandræðum að fjármagna eitthvað beygir reglurnar aðeins, eða reynir að fela slóð. Þetta er allt neyð!!!!!
Menn gera þetta til að bjarga sér, eða af gróðavon.
Sá sem fer t.d. í glæpagengi í L.A. og fer að selja fíkniefni, gerir það líklega af "neyð", hann vill fá hærri status í samfélaginu, meiri pening o.s.frv. Líklegast er eina sem bíður hans fangelsi til æviloka, eða dauði.
Þetta er neyð!!!
Maðurinn í Enron sem var að bjarga fyrirtækinu sínu. Það eða sjálfsmorð af skömm. Hann beygir reglurnar......af eintómri NEYÐ!!!! Þannig sér hann heiminn sinn!!
Auðvitað eru til hræðileg tilvik í verstu fátækrahverfum heims, þar sem er raunveruleg neyð, og viðbjóðslegir hlutir gerast. Því hef ég áhyggjur af.
-
Kolbrún skrifar:
Ég sé Guðmundur að þú ert reynslubolti af vændismarkaðnum.
Ég hef talað við konu sem er fíkill og notar fleiri þúsundir á dag til að uppfylla þörf sína. Ég spurði hana hvernig hún fjármagnaði það, hvort hún seldi sig. Það stóð ekki á svarinu: "Nei þar set ég mörkin! - Ég stel fyrir því".
Af tvennu illu fannst henni skárra að fara í búðir og stela en að selja sig.
Hvað segir það þér um hina hamingjusömu hóru?
Í guðanna bænum maður, taktu þér tak!!! -
Guðmundur skrifar:
Komment númer 59 var vitlaust merkt.
Kolbrún,
Ég held nú líka að flestir vændiskaupendur setji mörkin þar líka.
Bíddu, ég er ekkert að reyna æsa fólk upp. Ég er bara reyna skoða báðar hliðar. Mér hefur nú alltaf verið kennt það ;-)
Mér finnst þetta síðasta svona meira styðja minn málflutning í þessu. Auðvitað er skárra hjá henni að gera þetta svona. Þá allavega á hún meiri mögleika á að komast út úr sinni ógæfu. -
S.Á. skrifar:
Þessi grein er ekki aðeins afarmálefnaleg heldur líka svo vel skrifuð, að þar er á ferð kona, sem getur hvenær sem er skrifað skemmtilegri bók en margir þeirra, sem í dag eru titlaðir rithöfundar hér á landi. Ég hvet Katrínu til að halda áfram ritstörfum. Ég tel mig ekki hlynntan femínistum, finnst þeir oft öfgafullir og leiðinlegir. En ekki greinin hennar Katrínar og kannski telst hún ekki vera femínisti. Mér finnast skoðanir hennar fyrst og fremst markast af heilbrigðri skynsemi og umfram allt meiri þekkingu á umfjöllunarefninu en sumir þeir strákar hafa, sem hér hafa tjáð sig. Einn þeirra hefur reyndar tjáð sig leiðinlega oft, en látum það vera, hann um það.
Andrés Jónsson á líka þakkir skyldar fyrir að upplýsa okkur um spillingu innan borgarkerfisins í samskiptum þess við knattspyrnufélögin. Það er staðreynd, að þessi félög hafa iðulega stundað kosningasmalanir fyrir ákveðna frambjóðendur og hlotið sitt að launum fyrir. Slíkt er auðvitað spilling. Frændi minn, sem var í forystu eins af stærri knattspyrnufélögunum fyrir allmörgum árum, sagði mér, að hann gæti tryggt frambjóðanda í opnu prófkjöri hjá smáflokki, eins og Alþýðuflokkurinn var þá, efsta sæti í prófkjöri. Auðvitað er ætlast til greiða á móti.
Ég skil vel stráka, sem eru á æðsta greddustigi, að þá dreymi vota drauma um að athafna sig á nektarbúllum. En ég vara þá við: Farirðu þangað og dettirðu í það, eða ef þú ert undir áhrifum, þegar þangað er komið, og sértu með kreditkort í veskinu, skaltu passa veskið vel. Annars gætir þú orðið verulega hissa á upphæðinni, sem þér tókst að eyða það kvöldið, já allverulega hissa. Því þessar búllur eru yfirleitt í eigu glæpajurta, sem svífast einskis í fégræðgi sinni. Það hlýtur að vera nóg til af kynvísum konum í Reykjavík, sem ungir og graðir strákar geta fengið til fylgilags við sig, útá sameiginleg áhugamál. -
Guðmdunur skrifar:
S.Á.,
Þér fannst líka Das Kapital, ansi vel rituð bók, ekki satt;-)
Þessi grein var meira og minna full af rógi og kreddum, þó að það var vel til fundið að minnast á stúkuverkefnið, sem var bæði allt of dýr, og misheppnað. Þetta með kostnaðinn er nú ekkert nýtt á Íslandi, en stúkan var náttúrulega allt of lítil, þannig að þeir þurftu að byggja aðra fyrir 2 árum síðan.
Hvernig væri að tala um málefnin, bla bla bla, þetta er ekki facebook, eða einhver álíka smjaðursráðstefna.
Þú minnist á íþróttafélög og prófjör. Hef aldrei heyrt um þetta, en miðað við hvað Íslendingar eru miklir sauðir, þá kæmi þetta í sjálfu sér ekkert á óvart.
Varðandi sístu málsgreinina, þá finnst mér nú að ættir að halda þínum kynlegu pælingum út af fyrir þig.
Einnig hefurðu greinilega mikið innsæi og vit á strippbúllum. Grunsamlega mikið.....hhhhmmmmm ;-)
-
Brosi skrifar:
Frábær grein hjá Katrín Rut Bessadóttur
En nú langar mig að spyrja um það sem ég ekki veit og vonandi á einhver svar handa mér
Mér skilst að öll íþróttafélög í landinu borgi árgjald í sameiginlegan íþróttasjóð svo er deilt úr honum til allra deilda og upphæðin fari eftir því hversu margi eru í hverri deild.
Spurningin:
Er þetta þannig -
Helga Ólafsdóttir skrifar:
Takk fyrir þessa góðu grein!!
-
Gosi skrifar:
Sæll Gosi (svar 64)
Nei. Það er ekki þannig. -
Sætur Hundur skrifar:
@Kristin Sig segir:
"hvernig á hann að útskýra fyrir dóttur sinni sem er í fótbolta hverjir málavextir eru?"
Barn í fótbolta hefur nákvæmlega engann áhuga á fjármálastjóra, eða stjórnarmönnum KSÍ. Börnin sækja fyrirmyndir sýnar beint til eldri knattspyrnu leikmanna. Fyrirmynd þeirra er allra sýst fjármálastjóri KSÍ. -
Kjartan Jónsson skrifar:
Það er alveg með ólíkindum að sjá ummæli þessa Guðmundar hérna á sínunni!!!
Hann sakar fólk hér hægri vinstri um ómálefnaleg rök, rógburð og dylgjur. Hverjar eru staðreyndir málsin Guðmundur?
Þær eru einfaldlega þessar:
Fjármálastjóri KSÍ fer ásamt núverandi formanni KSÍ í fer á vegum KSÍ til Sviss á ráðstefnu sem þar var haldinn. Þeir voru saman í veislu og drukku þar áfengi. Núverandi formaður KSÍ segist hafa í framhaldinu farið heim á hótel en fjármálastjórinn, að sögn núverndi formanns KSÍ, vildi halda djamminu áfram og fór á strippbúllu. Þar segist þessi fjármálastjóri hafa verið rændur kreditkorti KSÍ, sem hafi í framhaldinu verið misnotað af þeim sem stálu því af honum.
Hvaða dylgjur eru í þessu Guðmundur?
Ég vil spurja Guðmund: Er það ekki ótrúverðugt að kortinu hafi verið stolið af manninum á fleirri en einum stað og skilað jafn harðan aftur til hans? Því það var búið að strauja kortið á annarri strippbúllu fyrr um nóttina áður en hann kom á Rauðu Milluna! Það kemur fram í þessum dómi í Sviss.
Einnig má spurja: Hvers vegna eigum við að trúa núverandi formanni KSÍ þegar hann segist hafa farið á hótelið að sofa? Af hverju reyndi hann og strórnin að þagga þetta mál niður þegar það kom inn á borð stjórna KSÍ?
Ég viðurkenni það vel að það læðist að mér sá grunur að Fjármálastjórinn sé blóraböggull í þessu máli að hann hafi alls ekki verið einn ferð og kortinu hreint ekkert verið stolið. Dómsniðurstaðan í Sviss styður þann grun minn.
Þar fyrir utan þá er málflutningur Guðmundar svo mótsagnakenndur og ómálefnalegur að hann er ekki svaraverður -
Hallgerður Langbrók skrifar:
Útaf með Geir og allt hans lið. Það er skítalykt af þessu máli frá A- Ö
Ég vil fá konu sem formann KSÍ, löngu tímabært.
Flott hjá Katrínu að vilja fá meiri upplýsingar. Furðulegt að vera blanda politík í þetta mál, er hún ekki allstaðar að skemma fyrir.
En þetta fer að verða hin besta spennusaga, komin tími til að fá nýtt fólk í stjórn KSÍ, klíkan þar með öllu óþolandi og þeirra siðferði ekki í lagi.
Ekki eru öll kurl komin til grafar....bíð spennt.
Áfram Ísland og konu í stólinn..... -
Sigurdur #1 skrifar:
Er ekki málið bara að fá Þorgerði Katrínu í formansstólinn?
Hún er kona.
Hún hefur sýnt mikinn siðferðisstyrk í sínum fjármálum.
Greidd skuld er glatap fé.
Það þykir áreiðanlega skárra að stinga nokkur hundruð miljónum undan, en að fara á strípisýningu.
Er það ekk Hallgerður? -
Ragnhildur Rós skrifar:
Kata mín, þú ert svo góður penni ;)
P.s. Þessi maður misnotaði klárlega sína stöðu, það fer ekki ofan af því. Skil engan veginn hvernig nokkrum dettur í hug að reyna að verja hann og hans gjörðir....... -
María skrifar:
Góð grein Katrín.
Ræðir einmitt um að það er ekki passað nóg upp á peningamálin hjá KSÍ. Það þarf að skoða og kemur femínisma ekkert við!
Það að sækja strippstaði tengist því miður of oft mansali og hver styður það?
Því miður held ég ekki að margar vændiskonur sem stunda það starf í heiminum séu frjálsar undan hórmöngurum. Það eru oft glæpasamtök sem tengjast þessum iðnaði og þar er það engin verkalýðssamtök sem passa uppá að það sé farið vel með starfsmanninn.
Vinnuumhverfið hlýtur að vera erfitt að snapa kúnna út á götu. Ofbeldi tengist því og vörn kvennanna lítil. -
Palli skrifar:
Þetta er fín grein,
Auðvitað er aðalatriðið að maðurinn strauðjaði kort KSÍ i "blakkáti" á bar, eins og Katrín hamrar vel á. það er sérlega klauflegt hverning KSÍ hefur höndlað málið. Líklega átti að sópa þessu máli til undir teppið og gleyma því, sem vinagreiða fyrir ein af strákunum. persónulega finnst mér yfirklór KSÍ vera næg ástæða til þess að formaðurinn segi af sér, og endurskipulagning verðið boðuð hjá sambandnu.
Það er samt merkilegt að sjá Femínista hópast að knattspyrnu sambandinu með þeim æsingi sem gert er. Maður spyr sig, ef fjármálastjórinn hefði farið á Homma bar, þar sem stæltir karllmenn dansa á stalli, hefðu viðbrögðin orðið eins? Ég leifi mér að efast það. Af þvi að hann var innan um bert kvennfólk, þá er það gefið að hann hafi verið að kaupa af þeim kynlífsþjónustu, og þær voru allar þrælar sem áttu engan annan kost en að vinna fyrir sér sem vændiskonur. þetta er ansi þreyttur tónn í femínistum, eins og rispuð plata.
Svart-hvít sýn femínista mun alltaf gera þær ótruverðugar í sínum málaflutingi um þennan málaflokk. Þó að þær sjálfar geta ekki hugsað sér að dansa naktar eða stunda kynlíf fyrir smá aur, þá er fullt af konum sem eru til í það. ég bý í landi þar sem mikil aukning hefur veirð á því að Háskólastelpur stunda vændi. Það sem rekur flestar þessar stúlkur í vændi er ekki fátækt, þær eru fyrst og fremst að skaffa sér pening fyrir Iphone og Prada töskum. Kanski eru þær hamingjusamar hórur...veit ekki.
Það væri ánægjulega að sjá femínista rísa úr þessum fordæmngar skotgröfum, kallrar eru vondir og konur eru fórnalömb og sýna sýnum kynsystrum meiri skilning um umhyggju.
Haltu áfram að skrifa Katrín þú stendur þig vel. -
Sigurdur #1 skrifar:
Það eru fjölmörg dæmi hér á íslandi um konur sem hafa farið í vændi til að skaffa sér auðveldan pening.
Þær voru ekki seldar.
Lang flest vændismál sem hafa komið upp á íslandi, ef ekki öll eru konur að selja sig sjálfar, milliliðalaust.
Þetta kann að breytast núna, þegar þetta er orðinn glæpur og starfsemin þannig rekin niður til undirheimanna og glæpasamtaka sem þar þrífast.
Þetta er að sjálfsögðu ekkert öðruvísi erlendis, þar ekkert sjálfgefið að vændiskonur þar séu fórnarlömb mansals eða annarra glæpamanna.
Hér er mjög gott dæmi.
http://www.mbl.is/mm/folk/frettir/2009/11/16/belle_de_jour_kastar_grimunni/?ref=fpmestlesid
Að láta sér detta í hug að vændi minnki við að gera það refsivert er svo barnalegt að það er eiginlega ekki hægt að ræða það á vitrænum nótum.
Sennilega hefur það þær helstu afleiðingar að auka mansal og gera vændi að ´gróðrarstíu fyrir glæpasamtök.
Til hamingju með það VG.
(er það kannski bara tilviljun að fyrsta mansalsmálið kemur upp á yfirborðið eftir að vændi var gert refsivert í landinu....?) -
VoloBiaffaf skrifar:
<a href\=http://shine.yahoo.com/channel/none/buy-inderal-online-1662174/>dosage inderal anxiety</a> , inderal drug interactions
-
kictEntaica skrifar:
<a href\=http://shine.yahoo.com/channel/none/buy-inderal-online-1669214/>before giving inderal assess</a> , long term effects of using inderal
<a href\=http://shine.yahoo.com/channel/none/buy-inderal-online-1669727/>inderal alternative</a> , inderal la 60mg information
<a href\=http://shine.yahoo.com/channel/none/buy-inderal-online-1669891/>what is inderal la taken for</a> , sports and inderal
Skrifa athugasemd